Anson Lo忙到覆唔到「教室」電話 孝順仔望多與家人聚餐

人氣男子組合MIRROR成員Anson Lo（盧瀚霆，教主）日前接受華語電視網上頻道SinoTV MRBI《偶像名人堂》的越洋訪問，大談歌曲《Mr. Stranger》的靈感來源，他透露很開心「神徒」（Anson Lo Fans暱稱）接受其不同的面向。提到歌曲MV錄得過千萬的點擊率，Anson Lo表示：「每次出任何作品，我都唔夠膽諗大家鍾唔鍾意，點擊率有幾多，因為一諗呢啲就更加大壓力，有唔應該存在嘅想法；反而出咗之後，我收到大家嘅feedback，最開心係同上一首歌《Megahit》有唔同風格，我聽到覺得好欣慰，因為我嘅最大目的，係想同《Megahit》做最唔同嘅嘢。」

同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶

{{hket:ul-video id="5727"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="21.JPG"}}{{/hket:inline-image}}

MIRROR在2018年11月3日成軍，出道至今已有4年時間，Anson Lo坦言仍有不習慣的地方，他說：「好少返屋企食飯，呢個係我仲未適應到，因為由細到大，我都係偏向同屋企人食飯多，就算我教跳舞嘅時候，我都會Keep住，最少兩日都返屋企食一次飯，但係入咗行之後，一個月或者三個禮拜先可以有一餐，其實屋企人都唔適應，佢哋有時喺Chat Group問我幾時食到飯，有時我會Miss咗Message，咁佢哋會重覆講多幾次，我都Feel到屋企人好想我多啲返屋企陪大家。而最大適應到嘅係，唔使點瞓覺，就算休息唔夠，但面對鏡頭都可以好似冇乜事，同埋喺街上被人認到已經冇咁緊張，冇咁怕醜。」

Anson Lo兩日通宵拍MV再拍劇 一日唞得個半鐘「神徒」心痛捱壞【下一頁】

這又難怪，Anson Lo每日工作不斷，忙錄歌、拍MV、拍劇、拍電影、拍廣告，瓣瓣齊，所以休息和與家人相聚的時間均相對減少，Anson Lo在IG留言表示：「最近好似Chill Club頒獎禮所講，有少少『疲乏』嘅感覺，屋企人都比以前擔心我，因為有好多事情都係『摸索』當中，拍劇角色性格嘅摸索，新歌執行嘅摸索，待人接物嘅摸索，好想喺工作同生活之間攞到一個平衡，奈何時間永遠都唔夠用，有時都避免唔到做錯決定。」他還鼓勵大家，就算遇到難題，一切都會Everything Works Out Eventually（一切最終都會解決）。

《Mr. Stranger》︳Anson Lo盧瀚霆新歌MV點擊突破900萬 IG限時動態分享花絮作答謝【下一頁】

{{hket:inline-image name="3_600.jpg"}}{{/hket:inline-image}}

去年，Anson Lo主演的首部電影《假冒女團》，首日票房錄得破110萬，而且「神徒」更先後在戲院包場欣賞，Anson Lo表示今年將有一套懸疑驚慄電影推出，他透露自己在片中的角色較為複雜，「長期憂鬱，心裡面有好多放唔低嘅回憶，令到佢有一個好傷心嘅情緒，所以要埋頭苦幹落去呢啲負面情緒一至兩個月。呢個感覺好新，因為佢嘅憂鬱唔係我平時面對開嘅憂鬱，所以係一個好新嘅體驗，希望大家喺戲院裡面可以見到一個唔同嘅Anson Lo。」

Pet Pet星丨Anson Lo生命中的兩位「小公主」 親暱互動惹來「神徒」羨慕【下一頁】

{{hket:inline-image name="205132389_547675376398964_2879760275189735808_n.jpg"}}{{/hket:inline-image}}

此外，主持人重提Anson Lo在《調教你MIRROR》中，被化妝師突然撥開他的瀏海，他當時的反應甚大，Anson Lo笑言：「我不嬲係一個比較貪靚嘅人，尤其是出道頭兩年，髮型都係Keep住齊蔭瀏海，睇慣咗自己無露額頭嘅樣；到上年《調教你MIRROR》嘅時候，啱啱開始有分界髮型嘅出現，但我仲未好100%肯定，呢個髮型係咪好啱我，同埋我覺得要交畀專業髮型師Set好晒先可以見得人，所以突如其來被人摷起，我有超級大反應，而家睇番嗰個反應實在太誇張。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】