雙生陌生人︳馬德鐘望有分身幫手拍戲減壓 從不強求父子檔：等佢自己諗

馬德鐘繼《我家無難事》後再拍輕鬆喜劇《雙生陌生人》，接受考驗一人分飾兩角，演無血緣關係但樣貌一樣的「高收成」同「巫祺男」。這個角色人物一樣有青年版本，由上位小生黃庭鋒扮演，沒有像《我家無難事》般找馬德鐘兒子馬在驤演出。

馬在驤上一次的表現受到外界批評，馬德鐘則力挺對方的演出。兒子如今專心學業，日後是否會進入娛樂圈發展？馬德鐘表示︰「交畀佢去諗。」

{{hket:ul-video id="5763"}}{{/hket:ul-video}}

{{hket:inline-image name="DSC00634.jpg"}}{{/hket:inline-image}}

{{hket:inline-image name="1024_b8e3954497b7bf8ef95ed84a519369ce.jpg"}}{{/hket:inline-image}}

對於《雙生陌生人》的「高收成」同「巫祺男」，馬德鐘坦言事前同監製林志華、編劇開會研究，如何去表現二人性格特點，「佢哋兩個有乜嘢特質？可以令觀眾更加容易去理解呢兩個人嘅唔同。做功課（為演出作準備）係用咗好多時間，同花咗好多時間去拍攝，好享受呢個過程。（困難的地方是甚麼？）拍呢齣戲需要兩個人同時出現，我喺拍攝現場要走兩條軌跡之餘，兩條軌跡仲要不停交叉、交集，劇組希望做到兩個角色同場，有好多身體接觸，互相交流嘅效果︰例如佢會遞啲嘢畀我，我又點樣摸佢？畀觀眾感受到一個時空真係兩個唔同嘅人；而唔係一啲好舊嘅拍攝方式，喺畫面見到一個人喺左邊，一個人喺右邊，但兩個人又唔會去觸摸對方。難度在於特技上。今時今日要畀到觀眾新鮮感係好困難，喺拍攝上要解決好多嘢，花好多時間去解決問題……睇到《雙生陌生人》出嚟嘅效果，我『嘩』一聲，真係過癮，覺得好值得，有啲唔同嘅嘢畀觀眾睇到，我好開心。」

《雙生陌生人》丨馬德鐘留港配合宣傳救收視 賴慰玲預告明年追「好」字【下一頁】

兒子馬在驤於上齣《我家無難事》演人物「郭得勤」的青年版，新作《雙生陌生人》「高收成」一角的演出重任則落在上位小生黃庭鋒身上。馬德鐘說：「我冇考慮過我角色嘅青年版可以搵阿仔再演，上次搵阿仔做都唔係我諗，係監製（王心慰）嘅決定；今次《雙生陌生人》監製話搵咗黃庭峰，我話『好吖好吖』。我同黃庭鋒有溝通過，話畀佢聽我嘅角色有咩小動作，講嘢態度係點樣等等。」

「（兒子上次的演出引來不少批評）阿仔會唔會再拍劇呢？佢嘅發展方向，等佢自己去諗啦！佢又未讀完書，要繼續讀書。（有報道指他跟外籍女友已分手？）我冇問佢感情嘅嘢，唔會干涉佢，佢鍾意講就講。（不想再次父子檔演出？）我又冇刻意去諗呢啲嘢喎，等於我而家工作，都冇刻意話自己想拍乜嘢劇種，製作人員覺得呢種類型啱我拍，想搵我試吓，而我睇劇本、人物設定時又覺得開心；而家嘅我就係抱住呢種想法，唔會強求。」

雙生陌生人︳馬德鐘一人分飾兩角靠幕後替身 欣賞對方唔計較 呢位男藝人係…【下一頁】

至於信不信現實有樣貌一樣的人存在？馬德鐘笑說：「基因排列嘅嘢真係好難講，冇血緣關係嘅人都會好似樣。若果喺我拍攝劇集嘅時候，有呢個人嘅出現就好啦，可以做我替身，減輕我不必要嘅辛苦；如果唔係嘅話，呢個人最好唔好出現嘞，咁似我，好多嘢會畀佢搞亂晒！」

（↓點擊放大睇圖片↓）

近年馬德鐘的演出變化頗多，早前《伙記辦大事》同《飛虎3壯志英雄》就演律師同飛虎隊警司，角色又Man又Chok，《我家無難事》同新作《雙生陌生人》就搞笑得多，有別於他「馬神」的稱號，「以前演好多硬漢人物、專業人士角色，近年比重係幾平衡呀，多咗人搵我輕鬆嘅劇，《我家無難事》都係屬於呢種類型。接拍《雙生陌生人》係想帶畀觀眾新嘅觀感，『咦？馬德鐘放低咗啲嘢，演出有啲意想不到』。同時製作人員畀到我信心，至於觀眾係咪接受到拍喜劇嘅馬德鐘？睇埋今次反應先再作決定，老實說自己拍喜劇拍得幾開心。」

撰文：梁榮達

攝影：林君茹、關穎恩

場地：Finest Design Nest

髮型：Sue Cheung@Saloon•Festival Walk

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】