【聲明】港生活網站並無進行電話推廣活動

新歌捲抄襲風波 Marf@COLLAR︰尊重創作

發佈時間: 2022/05/13

女團COLLAR早前推出新歌《Gotta Go!》,即捲入抄襲風波,副歌旋律更被質疑與日本二人組合YOASOBI的歌曲《向夜晚奔去》近乎一樣;COLLAR經理人戴穎及後於IG限時動態承擔責任。COLLAR兩位成員邱彥筒(Marf)和許軼(Day)昨日出席品牌活動,首次回應抄歌事件,Marf說︰「每個經歷都係學習過程。」

邱彥筒及許軼昨日出席品牌活動,同樣穿上貼身裙示人,非常性感。問二人可有節食?Marf直言︰「出活動之前都無食早餐,其實大家都為咗年尾舉行嘅演唱會,無時無刻做好準備。」Day則表示只吃了香蕉。至於性感底綫?Marf笑謂︰「正如WINKA(陳泳伽)名言『三點不露』!」問兩人覺得隊友當中,誰人身材最好?Day認為蘇芷晴(So Ching)經常跳舞、做運動,身形最靚;Marf則覺得隊長沈貞巧(Gao)屬肌肉型,相當好看。

提到COLLAR新歌被指抄襲,Marf表示︰「其實每一首歌曲我哋都會尊重創作,無論評論好與壞,我哋都會篩選同埋過濾,然後再吸收,每個經歷都係學習過程。」除了《Gotta Go!》,COLLAR出道歌《Call My Name!》亦曾被指抄襲,第二首團歌《Never-never Land》的封面照又被指抄襲After Class,爭議不斷。Day回應道︰「每首歌都有唔同嘅特色,我哋會聽取唔同嘅意見,希望得到大家嘅支持,其實每次出歌前都會向公司畀意見。(覺得好被動?)唔會,總之好信任團隊,會畀最好嘅我哋。」

馮允謙個唱加場

另外,同場的馮允謙(Jay)將於7月2至4日舉行九展個唱,門票早前火速售罄,他表示︰「我好開心,亦好感恩,不過我又宣布一個好消息,就係7月5號會再加開多場,門票會喺下星期一公開發售。朋友之前都話買唔到飛,所以希望開多一場,我都好開心,大家畀咗好多嘅信任我。」

採訪︰Pauline

美術︰梁政敏

新歌捲抄襲風波 Marf@COLLAR︰尊重創作

Jay笑言開騷前仍要「還歌債」給幾位歌手。

新歌捲抄襲風波 Marf@COLLAR︰尊重創作

MC張天賦預告今年內會開騷。