Pet Pet星丨吳卓羲收養無毛貓唔覺外型核突 「豬膶」失蹤10日驚餐死

吳卓羲由細到大都有養貓狗，現時家中養了11隻貓貓，大部分都是較為冷門的無毛貓（斯芬克斯貓），有人認為無毛貓外表不太討好，全身皺皺的皮膚，看起來像《哈利波特》的「多比」，不過，喜歡就是喜歡。吳卓羲早前接受《晴報》訪問時表示，他認為養動物是一世的責任，對棄養絕對反感，除了開工拍戲的日子，他都會一手一腳、用心去照顧每一隻愛寵。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="57258385_165921247744438_1311615067513599891_n.jpg"}}{{/hket:inline-image}}

開始接觸無毛貓，是因為一個朋友，吳卓羲說：「呢個朋友本身養開無毛貓，佢問我要唔要，因為生咗一竇，後來畀咗兩隻我揀，我就話唔揀喇！兩隻都要晒，我叫佢哋做『摷皮』同『蘿蔔』。『摷皮』好鍾意打交，佢行過鍾意打你就打你，但佢又唔係惡㗎喎，因為佢打完交又好似有啲驚咁，同埋其實佢係最嗲嘅一隻，可能性格係咁啦。之後我再養無毛貓仔『豬皮』同無毛貓女『豬紅』，佢哋生咗竇無毛貓BB，其中兩隻分別有『豬腰』、『豬膶』，當中一隻死咗，有啲就送咗畀朋友同親戚，就算送咗畀人，我都係會見得到呢啲BB，知道佢哋去向同生活係點嘅。」

【飛虎之雷霆極戰】吳卓羲跳《今期流行》獲古仔提攜 「當差」15年衝動鹵莽形象入血【下一頁】

問到養無毛貓有甚麼要注意的地方？吳卓羲說：「溫度！攝氏23度以下，開冷氣就要著衫……我睇網上資料係咁講，同埋佢哋要曬吓太陽，但因為佢哋冇毛，所以唔可以曝曬，有啲人會幫無毛貓搽防曬，我唔想咁，驚會塞住毛孔，加上佢哋皮膚油脂分泌旺盛，所以每個禮拜，我都會同佢哋沖涼。」

提到無毛貓「豬膶」曾經走失10日，當時吳卓羲既擔心又心痛，他說：「屋企人當時搵極都搵唔到，又唔敢話畀我聽，驚我鬧！我嗰陣時要開工，到我知道嘅時候，我即刻去搵，朋友又幫我喺Facebook發文搵貓，我就走去問保安，（閉路電視）見到『豬膶』行咗出去，但行行吓就見唔到喇！因為有啲位置閉路電視影唔到，後來好彩有人喺Facebook回應話見到疑似係我隻貓，我見嗰位網友影畀我睇嘅貓相，著嘅衫好熟面口，原來真係『豬膶』！佢可能凍得滯，匿埋喺人哋嘅車頭，去咗一間元朗車房……養佢哋真係要好小心！」

【TVB電視城靈異事件】吳卓羲拍戲遇怪事凌晨4點撞鬼 目睹「小朋友」穿門而入嚇餐死【下一頁】

{{hket:inline-image name="5.JPG"}}{{/hket:inline-image}}

除了無毛貓外，吳卓羲還養了「馬拉糕」和「Barbie」，他說：「收養Barbie係因為江美儀，有次佢同成班朋友去行山，跟住就打畀我，佢話喺深山入面有幾間屋，嗰啲村民唔係成日喺度，佢哋知星期六、日有人嚟行山，就會特登返去煮啲農家菜畀行山人士食；咁江美儀同成班朋友見到嗰度有一竇貓BB，於是就向村民提議不如畀佢哋收養，輾轉就畀咗Barbie我養嘞！」

世紀議題︳林峯吳卓羲黃宗澤男神合體 兄弟聚會帶老婆網民話「唔通氣」【下一頁】

{{hket:inline-image name="13.JPG"}}{{/hket:inline-image}}

至於「馬拉糕」是他在去年拍攝電影《逃獄兄弟2》的時候，在街上遇到的一隻街貓，他說：「佢好乖，好跟人，於是我拎咗返屋企，佢做『馬拉糕』。點知『馬拉糕』同其他貓夾唔到，成日互打，撕殺咁！可能佢對無毛貓有敵意啦！我惟有將佢哋分開，『馬拉糕』喺我間房活動，可能佢始終係街貓，好鍾意喺我間房嘅露台跳去人哋間屋嗰度玩，又成日扭我阿媽，開門畀佢出街，不過佢又唔會離家出走嘅，只係成日喺出面攤喺地下，到時到候就返嚟；前幾日，『馬拉糕』去咗人哋屋企食魚糧、食貓糧，唔怪得我返到去，見到鄰居黑晒面啦！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】