姜濤被契女融化心郁郁想生B 小姜糖聽見「爸爸」歌曲激動走音

男團MIRROR成員姜濤人氣高企，姜糖（姜濤粉絲名稱）唔單止遍布唔同年齡層，更遍布世界各地。日前一位媽媽級姜糖分享佢3歲囡囡Brittany食tea嘅片段，Brittany一聽到姜濤嘅歌曲，更興奮狂叫：「姜濤歌呀媽咪！」

{{hket:inline-image name="280451545_1241889696343605_2096739710176824733_n.jpg"}}{{/hket:inline-image}}

同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶

{{hket:ul-video id="5727"}}{{/hket:ul-video}}

本來Brittany正在低頭食緊菠蘿，姜濤歌曲《亞特蘭提斯》的鋼琴聲傳入耳畔，她隨即興奮對媽媽講：「姜濤歌呀！姜濤歌呀媽咪！」仲叫到走晒音，反應十分可愛。媽媽即刻話知啦，「得喇阿媽聽到喇！你冷靜啲！」又指囡囡叫到隔籬枱都知添！

唔少網民留言讚呢位小姜糖耳朵好靈敏，「一聽就聽到係姜濤嘅歌」、「興奮到把聲都沙晒啦」、「我都未聽得出佢已聽得出！」、「聽到姜濤歌都起痰」、「好叻，聽得出係姜濤歌」。而姜濤本人亦有睇到呢條片，相信佢亦被呢位小姜糖「融化」，冧爆表示：「我要生女兒！」

其實之前呢位媽媽都上載過囡囡唱《蒙着嘴說愛你》嘅影片，Brittany唱完後被問到會揀爸爸定係姜濤，佢即甜笑回答︰「姜濤。」姜濤見到影片後留言︰「來做我女兒吧！」Brittany亦好快答應咗「爸爸」，拍片回應︰「姜濤、姜濤，我願意。」，更向姜濤送上飛吻。初為「人父」的姜濤超興奮，當時更喺IG限時動態「報喜」︰「和各位宣布一件事，我有女兒了。」唔少粉絲都笑言︰「搶完人哋老婆，仲搶埋人哋個女」、「求真爸爸感想」，非常搞笑！

另外，快餐店麥當勞由下週起一連三星期將大派重磅福利，聯同MIRROR三子姜濤、 Anson Lo（盧瀚霆）和Edan（呂爵安）推出不同獨家美食優惠。早前MIRROR三子使出渾身解數拍攝麥當勞App宣傳短片，化身大熱巨星、跳舞達人及鋼琴王子來親身示範如何一機在手，即可透過麥當勞 App「Order, Pay, Take」輕鬆點餐及取餐，盡享App用戶專屬的美食優惠。而麥當勞App用戶於推廣期內選購MIRROR成員精選的指定電子優惠券，即可獲得姜濤、Anson Lo或 Edan的「世一貼紙」，讓各位粉絲可以把不同造型的偶像貼紙貼於隨身物品上，例如手機殼、電腦和筆記本等等，等大家可以無時無刻與偶像見面！

圖片來源：大會提供

真·姜B︱姜濤榮升爸爸四度傷害人哋老公 被兩歲半姜糖唱《蒙著嘴》俘虜【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

撰文：林惠珊