莊鍶敏認驚世新抱被奶奶埋怨 吳若希：你嫁得出係奇蹟

莊鍶敏（前名：莊思敏）近日接受好姊妹吳若希（Jinny）的YouTube Channel訪問，兩人大談婚後的轉變，莊鍶敏2020年與台灣珍珠奶茶店老闆楊秉逸（Brian）結婚，她說：「結咗婚之後，我覺得身邊嘅人對我態度係唔同咗嘅，以前對我係比較抗拒，又覺得我多口同攻擊性比較強。當我結咗婚之後，佢哋覺得我好似容易相處咗！」Jinny同意以往莊鍶敏說話較尖酸刻薄，但婚後被老公Brian所影響而改善，莊鍶敏笑言：「可能我開始驚有報應！」

同場加映：林希靈偏愛高佬陳安立拍拖頸痠 踢爆未婚夫愛霸廁所玩手機

{{hket:ul-video id="5724"}}{{/hket:ul-video}}

莊鍶敏涉搶單騙案反呃騙徒錢 「戶口變咗負1800幾蚊」【下一頁】

{{hket:inline-image name="2be211bb.JPEG"}}{{/hket:inline-image}}

莊鍶敏分析說：「可能好多人覺得結婚之後，甚至生完小朋友之後，除咗定啲之外，可能會少咗鬥心。同行就會覺得你唔會同我爭嘢喇，態度上會唔同咗！」被問到如何認定老公是真命天子，莊鍶敏說：「我好信緣份同埋時機，如果我早啲識佢，我應該唔會揀佢，因為佢之前好鍾意玩、好鍾意蒲，就唔係我鍾意嗰類型，加上我事業心早前比較重，就唔會花時間去兩地飛去維繫！」她大讚老公不會給她太大壓力，相處舒服，而且老公非常孝順和已經「玩夠」。「未玩過嘅又好危機，玩緊又唔知要等幾耐，玩厭就會好啲！（異地戀唔擔心？）異地戀係因為疫情，如果佢生意可以放得低，就係想佢嚟香港生活會好啲！其實未試過長時間相處，所以將來係咪一生一世，仲係未知之數。」

莊鍶敏坦言未結婚前有跟老爺奶奶暫住過一陣子，相處都不錯，不過就收到奶奶的微言，「唯一佢唔適應係我比較晏起身，佢開頭會問點解我咁晏起身，我答佢我鍾意瞓覺，點答你啫？我係旅行同拍拖心態去，唔通朝早7點起身拍拖咩？」連Jinny都指是「奇葩」，不愛Facetime又不Sweet！

Chat with Jinny｜吳若希拍片「破冰」變互數缺點 被蔡嘉欣喊住鬧賤格冇憐憫之心【下一頁】

莊鍶敏續言：「老公有投訴點解我可以開直播但唔可以Facetime，因為直播係搵錢呀嘛！可能台灣老爺奶奶相處方法比較傳統，奶奶投訴我點解次次都係短短訊畀佢，因為我通常大時大節或者母親節嗰啲都係短訊畀佢，有次Brian話奶奶寸我，寸我朋友先傳短訊，家人係打電話呀！」Jinny不禁讚她是新抱界的反面教材，莊鍶敏笑言大家千萬不要學，不要人人幸運如她可以找到另一半。

雖然影片是圍繞婚姻生活，不過莊鍶敏在吳若希的家中可能一時太放鬆，傾偈時竟然多次展現出她嚴重的雙下巴，相信她婚後的她開始幸福肥。

{{hket:inline-image name="jac8.jpg"}}{{/hket:inline-image}}

{{hket:inline-image name="jac7.jpg"}}{{/hket:inline-image}}

{{hket:inline-image name="jac11.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉