Anson Lo出道三年最辛苦面對流言蜚語 「我冇Ignore外界嘅意見」

男子組合MIRROR成員Anson Lo（盧瀚霆，教主）昨晚（12日）在YouTube頻道貼出最近的影片「帶你去工作」，他趁住工餘時間，與「神徒」（Anson Lo Fans暱稱）玩Q&A。已有一年沒有玩Q&A的Anson Lo，對「神徒」提問的問題都有問必答。

同場加映：姜濤後悔自爆「A0」要永遠成謎 入行後媽媽朋友突增 姜糖直呼奶奶

{{hket:ul-video id="5727"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="15.JPG"}}{{/hket:inline-image}}

Anson Lo乘搭經理人花姐的順風車去開工，期間提到花姐曾經問他「幾時畀家用？」，Anson Lo回她：「我覺得傳統畀家用嘅方式實在太沒趣，我想親手煮嘢食畀花姐。」點知花姐唔收貨，她說：「我唔接受，一世都唔會接受呀！」

去年10月，Anson Lo有晚乘坐的士回家時，不慎遇上交通意外，當時他扭到一下腰，令「神徒」十分擔憂，Anson Lo透露腰傷已變成風濕。提到愛犬Amber對他做過最感動的事，Anson Lo說：「大約成年前，有一晚我唔係好開心，Amber好似知道我唔開心，佢就突然間行過嚟，撲上前舔咗我塊面一下，我覺得佢同我好似心靈相通。」

盧瀚霆收工回家坐的士被撞 IG報平安：扭到一下腰而已【下一頁】

這兩年，全球受疫情困擾，「神徒」問他在疫情下如何保護自己？Anson Lo坦言有抗疫疲勞，他說：「因為太小心謹慎，無論攞住任何物件都要消毒，例如飯盒、膠袋、我摸過（椅柄）都要消毒，真係好誇張，最近冇咁過分。」而在食飯時間，見Anson Lo將飯盒、餐具和雙手消毒一次才開始食用。

最近，Anson Lo為保持厚實身形，看起來不要太瘦，故晚上回家後，經常食「教母」的愛心宵夜；至於當日的午餐，就有「教母」為他準備的烚蛋、牛扒和雞扒，替Anson Lo揸機的花姐問他：「食咗會點㗎？」Anson Lo拉扯一下灰色的上衣，即時展示了厚實的胸肌和身形。神徒問他的增肥大計，Anson Lo說：「超級無敵困難，本身我唔係食好多餐嘅人，我不嬲都Keep住瘦底，最瘦試過126、127磅，我咁嘅身高嘅男仔應該140幾磅先正常，所以過去呢一、兩個月不停食宵夜，我由128磅，用咗一個月時間，增到142磅，今日係146磅。」

Anson Lo忙到覆唔到「教室」電話 孝順仔望多與家人聚餐【下一頁】

完成工作，收工回家，Anson Lo的鏡頭影住「教父」躺在梳化上，未知是否等「乖仔」等到睡著了。有神徒問他，出道三年最辛苦是甚麼？他說：「面對流言蜚語，誇張傳言，不實報道，呢啲係最辛苦，會影響大家對你嘅人品、品行、道德、操守。每個人都唔想被人誤會，我自己又唔會解釋啲乜嘢，一直都覺得不如用自己嘅作品，令到唔相信自己嘅人，或者誤信傳言嘅人，終有一日會對自己刮目相看。」他又指經過去年的《調教你MIRROR》，他已較以前看得開。

Anson Lo兩日通宵拍MV再拍劇 一日唞得個半鐘「神徒」心痛捱壞【下一頁】

{{hket:inline-image name="218083500_351761109672064_1261869909403406931_n.jpg"}}{{/hket:inline-image}}

亦有神徒問他如何看失實的惡意留言，Anson Lo回答：「前幾日做嘢嘅時候，我同呂爵安都傾過類似嘅話題，可能大家會覺得Anson Lo每一日都活喺一個粉紅色泡沫入面，好似每一日只會同神徒、喜愛Anson Lo嘅觀眾互動，好似忘記咗接受外界嘅意見，其實我冇Ignore，呢啲資訊我Keep住收到，唔同內容及評論，我全部都有收到，即使當我自己唔睇，但我心裡面都知道我有咩做得唔好，有咩不足嘅地方。」最後，Anson Lo大冧神徒，他指自己打從心底，每日都會想起大家。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】