愛回家丨張龍為Rebecca振夫綱鬧爆情敵 黃耀煌自認小男人感激女友支持

《愛回家之開心速遞》昨晚一集，張龍（黃耀煌飾）被Peter（杜大偉飾）唆擺要激嬲女友Rebecca（沈可欣飾），深信一對情侶要鬧交才能夠增進感情。於是他狂寸Rebecca厚粉、又老又重，Rebecca為保形象死忍沒有發脾氣。張龍後來發現女朋友背住自己偷偷跟小鮮肉在酒店約會見面，醋意大發上前幾乎想打小鮮肉！後來才知悉一切是誤會。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="REC7.jpg"}}{{/hket:inline-image}}

{{hket:inline-image name="REC1.jpg"}}{{/hket:inline-image}}

{{hket:inline-image name="REC5.jpg"}}{{/hket:inline-image}}

愛回家丨張龍現陰暗面瘋狂操控Rebecca 黃耀煌遭網民洗版：想被你控制【下一頁】

原來Rebecca只是想在兩人拍拖100日紀念日，為張龍表演琵琶，所以專程邀請小鮮肉、著名琵琶家十師傅（吳兆麟飾）教授，張龍知道一切之後，非常內疚。這對情人最後和好如初，並向Peter進行報復！

黃耀煌飾演的張龍一直是暖男形象，但對女友暗生「控制慾」，反為他增加不少「心心眼」粉絲。昨晚一集播出，雖然張龍終於「發火」怒罵疑似小三，粉絲們睇得好過癮，紛紛說︰「張龍終於係Rebecca面前發脾氣嘞！好恐怖！好驚訝」、「我鐘意睇發脾氣嘅張龍呀」、「張龍演得唔錯，呢對又幾特別」、「鐘意呢對組合，好笑，睇得開心，加多啲有趣劇情就更好，加油」等等。

兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲【下一頁】

劇中張龍迷戀Rebecca，現實生活中黃耀煌也有圈外女友，他接受大師姐潘盈慧《星光路上》的訪問，特別重返《無綫娛樂新聞報道》的錄影廠，令他回憶良多，因為黃耀煌初入行就是在「無綫娛樂新聞台」擔任外景主持和主播的工作，三年時間他大有成長，改變「怕醜」的個性。

{{hket:inline-image name="wong7.jpg"}}{{/hket:inline-image}}

黃耀煌指起初演張龍不太適應，應導演的指示要剛陽一點，反而網友以為他是「黑化」，問到會否喜歡「好Man」的自己，他笑言：「唔鍾意！好辛苦，做Man嘅人好辛苦，（你有冇拍拖？）有嘅，但嗰種Man唔係所有嘢要話晒事，我演完（張龍）之後唔鍾意呢個我，（你係小男人？）都算！佢（女朋友）係其中一個叫我唔好放棄嘅人，佢叫我『做囉，人工低冇錢唔緊要，咪我養你囉』，亦因為佢，我性格開朗咗好多！而家有咩事或者唔開心會同佢講，佢會開解我，所以好開心。」最後，黃耀煌更向另一半深情表白說：「我想同另一半講，多謝你咁支持我去追求自己夢想，我應承你，去到最後我一定唔會令你失望！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉