張敬軒演唱會自嘲「dry dry哋」 Serrini唱「泰國捐精」興奮自拍

張敬軒昨晚假紅館舉行第15場演唱會，英皇集團主席楊受成、太太陸小曼、英皇集團副主席楊政龍、英皇娛樂集團行政總裁許佩斯、旗下藝人劉雅瑟、艾妮、黎展峯、劉若寶及黎峻等均到場支持。一直揚言每晚都當作尾場的軒仔，每晚都因為觀眾完場後不肯離場而二度、三度安歌，昨晚更破紀錄四度返回舞台，令歌迷開心不已。

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="h2.jpg"}}{{/hket:inline-image}}

{{hket:inline-image name="h1.jpg"}}{{/hket:inline-image}}

軒仔表示這個20週年演唱會，本來是送給自己的40歲生日禮物，但從來沒有想過會由40歲開到41歲，因此十分感激大家給他機會，他笑說：「咁都做到part 2！」疫情下開演唱會，難免有心理壓力，他自言在這段時間學會好好活着、好好把握在世上的時間、做自己喜歡的音樂，「我要將上帝畀我嘅使命好好去履行，我喺樂壇唔係純粹要呃like、喺IG扮鬼扮馬…我應該利用自己手頭上得到嘅嘢，再分享畀人，呢個先係我嘅價值！」

軒仔續說：「自己做新人時，有段時間叫『嘉賓王』，做過好多前輩演唱會嘉賓，係前輩畀個舞台我，令我得到好多人認識。依家我都要畀番機會新人，今晚嘉賓都係一位新人，我哋無乜交集，但識咗好長時間，呢個咁有才華嘅女人，咁叻、咁有趣，令我流晒口水，希望將來喺音樂上有合作！」然後軒仔介紹Serrini出場，全場觀眾即歡呼四起，掌聲不停。

{{hket:inline-image name="h4.jpg"}}{{/hket:inline-image}}

{{hket:inline-image name="h5.jpg"}}{{/hket:inline-image}}

Serrini甫上台，軒仔即取笑她的「戰衣」︰「咁似聖誕樹？波波裙……我以為係小鳳姐（徐小鳳）。」 Serrini回應道：「我係似雀仔係咪？其實呢件係絲絨被。」隨後她表示有禮物送給軒仔：「我見人人都送禮物，不過我唔會送果醬嗰啲……依個係一個鑽石切割嘅心形葉。」軒仔接過盆栽後笑言:「我知呀，呢種叫多肉植物嘛！」Serrini答：「咪係我囉。多肉樹樹……你唔駛淋咁多水，dry dry哋就得。」軒仔即抵死接話：「dry dry哋，咪似我？」Serrini不禁搞爛gag：「因為你頭先升高咗個lady（諧音：single lady）。」之後兩人合唱《披星戴月》，Serrini再獨唱《~旋轉with me*》。

{{hket:inline-image name="h6.jpg"}}{{/hket:inline-image}}

Serrini回到後台後，聽到《櫻花樹下》的音樂響起，抵死說：「我又要『泰國捐精』！」然後待軒仔唱到「太過堅貞」時，便自拍高唱「泰國捐精」，十分興奮。Serrini又透露與軒仔是由網友變朋友︰「佢好早follow我，跟住咪網友囉。佢對朋友好好，而且佢聽得明我啲無聊笑話，所以我哋好多嘢傾。我嘅第一次……紅館做嘉賓就畀咗佢，哈哈！」

{{hket:inline-image name="h3.jpg"}}{{/hket:inline-image}}

撰文：倪小珊