「蔥頭」丘梓謙麥皓兒睇波放閃

「蔥頭」丘梓謙與女友麥皓兒、任達華等前晚在電視城欣賞英格蘭足總盃決賽，麥皓兒笑言睇波主要睇靚仔，不怕男友呷醋︰「因為成晚都睇住佢（丘梓謙）呢個靚仔。」大賣口乖。丘梓謙指他們平日會一齊打足球game，大讚麥皓兒是打機高手；他亦會陪女友玩figure。麥皓兒又透露早前邀請男友當她的新歌MV主角，二人更有床戲，相當大膽。

同場的任達華本於三月拍攝新戲，因疫情延至本月開拍，令他留港兩個月抗疫及陪伴妻女。他笑言最開心一家三口做運動，更自嘲是全家最矮，「我買錯細size瑜伽波畀個女，發現佢依家已經高過我，不過太太係全家最高，我排第三。」