雙生陌生人｜袁鎮業做馬德鐘替身磨練演技 《無雙譜》邊個做岑麗香替身？

無綫劇集中不時都有一人分飾兩角的劇情，如1978年的《孖生姊妹》、1999年的《洗冤錄》、2000年的《金裝四大才子》，2015年的《無雙譜》、今年播出的《金宵大廈2》，到現正播出的《雙生陌生人》等。當中劇組更會安排替身同場拍攝，不過這些替身都是不露面的，甚至連演員表都沒有其名字，但這個角色卻是非常重要，可謂是「無名英雄」！

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

{{hket:inline-image name="ma2.png"}}{{/hket:inline-image}}

由馬德鐘、陳煒、湯洛雯等主演的劇集《雙生陌生人》現正播出，劇中馬德鐘一人分飾兩角，大玩交換身分。而在劇集中不時都可以見到兩人「同場」的戲份，其實是劇組安排替身同場拍攝，之後再用電腦合成畫面。

{{hket:inline-image name="ma.png"}}{{/hket:inline-image}}

而飾演馬德鐘替身就是《盛舞者》參賽者之一的袁鎮業，前者更大讚這位「無名英雄」，力讚他無計較，不介意未有露面，「觀眾未必見到佢，但佢好投入去演呢個角色！」而袁鎮業接受《晴報》訪問時亦大讚馬德鐘係頂級前輩，「每日返工拍攝絕對係一場考試！嗰段時間嘅演技同轉數快咗好多。從佢（馬德鐘）身上學到好多嘢，佢有教我點樣處理角色，我成個過程係抱住學習心態，係好好磨練嘅機會！」而袁鎮業在劇中亦有份演「收數佬」一角，以真身與馬德鐘對戲，非常搞笑！

其實袁鎮業以前都曾做過替身，不過他就直言呢次同以往嘅替身工作好唔同：「係要演兩個角色嘅戲，有唔同性格唔同形態，變相要做好多功課，工作量多咗，好大考驗！」他續說：「今次涉及好多CG技術，拍攝之前要做技術測試，點樣做到呢兩個人係同一個人呢？試過用綠布笠頭，睇吓Key出嚟效果似唔似，好唔好睇；又試過好似荷李活製作咁，喺面上用橙點做記號，之後再用電腦技術『換樣』，真係一次好有得著嘅經驗。」

問到拍攝時有甚麼難忘事？袁鎮業說：「第一日拍攝已經好難忘，因為未摸熟環境，平時3紙頁一場戲都係拍3個鐘，嗰次就拍咗12個鐘；大家係快樂不知時日過，我哋好Enjoy成件事嘅過程，好專注去拍攝，之後搵到磨合點到越拍越快，得心應手。」

而在近期播畢的《金宵大廈2》中，李施嬅及陳山聰在劇中一人分飾三角，兩人均各自有一個替身。山聰的替身是有份演出《金宵》的方紹聰（奶仔）；而李施嬅的替身是彭翔翎，後者更指自己在做「無名英雄」的過程中獲益良多：「雖然做嘅所有嘢都係見唔到自己個樣，但拍攝過程學到好多嘢。接觸完兩位主角更加覺得佢哋好專業、好有要求，同埋對我好Nice！感恩，感謝你們！」而李施嬅就留言多謝她整套劇的幫忙。

至於2015年劇集《無雙譜》中，岑麗香一人分飾兩角，更有兩個角色同場的畫面，替身是誰？

（點擊圖片放大）

雙生陌生人｜利耀堂因《喜劇之王》踏上演員之路 《愛回家》蘇如風真身原來係配音員【下一頁】

撰文：林惠珊