神奇的燈泡丨鄭子誠揮拳勁驚打傷周嘉洛 爆對方同時孭四劇：擔當唔起

周嘉洛、江嘉敏、鄭子誠、戴耀明和關曜儶最近為無綫新劇《神奇的燈泡》開工，日前，無綫娛樂新聞台播出他們在街頭拍攝一場打鬥戲份，其中一個鏡頭，講述鄭子誠一揮拳，戴耀明踎低避，周嘉洛就轉身閃開，他摸摸自己的一頭曲髮說：「我髮型呀！」頭髮沒有被打亂。

等周嘉洛再埋位，拍到滿頭大汗的鄭子誠怕打傷對方，指著他向工作人員說：「小心睇住佢！我驚我……」周嘉洛接著說：「未中之前都冇事，打中先算。」鄭子誠依然擔心：「大吉利是大吉利是！我擔當唔起，佢（周嘉洛）踩4組（劇）呀，如果打中，佢4組劇都唔開得（工），你話我幾大壓力！幾大責任。」

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

{{hket:inline-image name="11.JPG"}}{{/hket:inline-image}}

{{hket:inline-image name="10.JPG"}}{{/hket:inline-image}}

無綫近年鬧小生荒而力捧後生一輩上位，難怪周嘉洛同時有4齣劇在身，包括《愛回家之開心速遞》、《回歸》、《神奇的燈泡》和《寵愛Pet Pet》。對於鄭子誠擔心打傷他，周嘉洛說：「子誠哥唔會打中我，我好有信心，陣間我會哄到塊面近一近……」

周嘉洛康復出山為《愛回家》開工 「安Bon」分手網友嗌棄劇 佢話...【下一頁】

鄭子誠、戴耀明和關曜儶接受無綫娛樂新聞台訪問，鄭子誠、戴耀明表示「爛仔交」最難打，後者笑說：「其實我哋連一招都唔想打……不過好彩有江嘉敏，佢真係救咗我，佢用某部分墊住我，等我唔使撞得咁痛！好溫暖！嗰種家嘅感覺，好保護我，總之冇受傷，多謝江嘉敏！」從片段所見，戴耀明向後『撻』的時候，未有誤碰江嘉敏敏感部位。

江嘉敏曾因王浩信有輕生念頭 自爆被青靚白淨無綫男演員力追【下一頁】

{{hket:inline-image name="21.JPG"}}{{/hket:inline-image}}

{{hket:inline-image name="17.JPG"}}{{/hket:inline-image}}

提到江嘉敏於早前一個訪問中，自爆有無綫男演員追求她，她解釋是有圈中追求者，但並非最近的事，她說：「當時記者問入行到而家有冇圈中人追過我，但唔知點解出到嚟就變咗『最近有圈中人追我』。」直言回想被追求時的確感到甜蜜感覺，續說：「我由細到大，真係未試過收到咁浪漫嘅嘢，大家認知嘅都係收吓禮物、手作，已經覺得好浪漫，我估唔到佢會作咗首歌……」在旁的周嘉洛好奇問：「係咩？有人作咗首歌畀你？咁犀利嘅！勁喎，正喎！」江嘉敏坦言對緣份不強求，一切隨緣。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】