移民問題 ︳家庭月入4萬丈夫擬賣樓移民 港媽憂難搵食夫婦陷冷戰：佢唔信自己廢

近年不少家長為讓子女有更好的成長環境，計劃移民海外。一名港媽訴說，其家庭月入約4萬元，丈夫為了兩名年幼子女，打算賣樓移民英國，但她形容對方一向懶散、怕辛苦，擔心他移民後不會積極搵工，加上夫婦倆英語一般恐難搵食，每次商討移民事宜都吵架收場，並為此多次冷戰，令她相當無奈。

同場加映：
管家王 ︳冷氣機積塵有菌傳異味 30分鐘DIY洗冷氣速成法

{{hket:ul-video id="5767"}}{{/hket:ul-video}}

移民生活 ︳港爸賣樓移民英國由高層慘變基層，被子女一句話點醒回流香港，詳情即睇：【下一頁】

一名女網民本周日（15日）在網上討論區「親子王國」中發帖，表示自己跟丈夫現年40多歲，育有兩名分別5歲和1歲子女。她指夫婦倆均任職文員，形容「冇乜特別技能」，月入合共4萬元，在十多年前購入「上車盤」，供完樓才生育小孩，「冇積蓄但有架平車同層細價樓，我哋唔貪心，亦冇咩上進心，自覺生活算係安穩。」

為子女未來想移民

事主指夫婦倆均不喜歡香港的「填鴨式教育」，相比起學業成績，反而較關心子女上學是否開心。她表示自己不希望子女讀書辛苦，日後也沒有能力送他們出國讀書，因此丈夫提出移民，希望讓子女接受更好的教育。然而因家中有體弱多病的七旬長輩，他們表明不會移民，令她感到不捨，

「長老喺香港唔會冇人照顧，係我心痛唔捨得帶埋佢哋嘅『金孫』走，又唔可以喺佢哋身邊陪伴。」

憂丈夫懶搵工怕辛苦

此外，她擔心移民後無人照顧兩名子女，儘管丈夫「拍晒心口」稱會負責賺錢養家，但她擔心對方不會積極搵工和怕辛苦，「我好肯定自己唔怕辛苦，為咗2個細嘅洗廁所咪洗廁所，可惜，我都好肯定另外嗰個唔係」；而換轉是她出去工作，丈夫亦不會照顧子女和做家務，

「我好肯定佢係得個『講』字，佢係咩人我好清楚，就算好彩搵到，都會有10萬個理由話辛苦唔做再搵過；倒轉我去做嘢？佢嘅湊仔方式係電話、電視同遊戲機『放題』，咁得閒想佢喺屋企幫手做吓家務？絕對係『陣間先』、『下次先』、『再遲啲先』，拖到我頂唔順做埋。」

憂英語一般難搵食

事主指賣樓後保守估計有500萬元資金，然而夫婦倆英語水平一般，擔心移民後難覓工作，而且丈夫懶惰、愛「充大頭鬼」，並不了解英國樓宇買賣和稅收，批評對方未有事先做好資料搜集，夫婦倆為此多次冷戰，未能好好就移民一事作討論，

「每次提移民，佢個Plan（計劃）係買樓，跟住一開二要嚟收租，我只係問佢知唔知英國買樓同放租稅收幾多？佢就會話我計到咁盡，咁邊度都唔使去啦，唔再聽我講落去。佢都確實有參與過搜尋資料嗰Part（環節），唯一提供嘅資料係英超各大球會嘅入會資格同季票費用。」

移民分歧陷冷戰

事主曾自行反思，並嘗過放手讓丈夫計劃，結果遭對方指責無心準備，「直頭畀盤數佢睇，就係我太現實喇，都係錯囉。」她形容雙方存有很大分歧，惟丈夫太過任性、「唔信自己廢」，令她陷於兩難，遂發帖詢問網民意見，

「呢個就係我而家嘅困境，我理性、理智，佢任性、聽唔入耳，我連想同佢平心靜氣溝通嘅機會都冇。明明係多咗一個選擇，對我而言係多咗一樣苦惱。我同老公已經因為移民呢個話題冷戰咗好多次，希望可以聽吓大家唔同嘅意見。」

網民：收入不高值得博 VS 去到外國好易家變

不少網民看到帖文後，指事主家庭收入不算高，沒有甚麼可以「輸」，如願意在外國從事勞動工作，認為值得移民一博，頂多回港重新來過。亦有網民指既然丈夫如此有信心，可以先移民再搵工、尋找住處和學校資料，待一切安頓好後，事主再賣樓帶子女過去。

↓ 點 擊 圖 片 放 大 ↓

不過也有網民質疑事主家庭收入低、無技能、英語水平一般，加上子女年紀尚幼，擔心他們移民後會面對龐大生活壓力甚至家變，著事主不要單純因為教育而移民，並建議她好好跟丈夫溝通，令對方早日認清現實，另有網民指以他們的年齡反而應該為退休作好打算。

↓ 點 擊 圖 片 放 大 ↓

移民潮 ︳父母離世妹妹移民失去唯一親人，港婦寢食難安：一諗起就喊，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀