無綫節目《日日媽媽聲》自去年播出後，口碑甚好，吸納不少家長收看，今年再度添食推出第二輯，並於昨晚首播，余安安、羅敏莊和陳凱琳繼續擔任主持，第一集找來星級父母劉小慧、林盛斌（Bob）和陳柏宇（Jason）亮相節目，大談子女反叛期。
同場加映：鄭欣宜為演唱會排舞周身瘀 「六膠」Jeffrey「Ian嫂」Amy都要撲MIRROR飛？
已為人父的Jason，3歲時因父母離婚，而要入住兒童之家，外婆知道後，十分心痛，決定接個孫回家照顧，並移民到加拿大，外婆成為Jason的最強守護者，他說：「細個喺嗰度（兒童之家）唔覺得係咩一回事，老實講，大個咗都唔覺得係件咩一回事。」居於多倫多的外婆透過視像表示：「當時舅父、阿姨每個禮拜都會將佢帶返嚟畀我照顧，後來我哋移民，移民官話『你有個女，有個孫，可以帶埋佢哋去』。」提到小時候的Jason，外婆說：「我覺得佢好乖，嗰時我要返工，但腳痛，佢叫我慢慢行，會叫巴士司機等埋我，佢嗰陣得7歲，所以好窩心。」
家長噩夢︳陳柏宇囡囡視像上堂激到阿媽吐血 朱薰仔用Zoom上游水堂好Matrix【下一頁】
由細到大得到外婆的照顧，Jason十分生性和孝順，有次卻令到外婆十分氣結，外婆說：「有次佢喺Basement玩火，我哋呢啲係木屋，所以我好嬲，打佢囉！佢話『阿婆唔得㗎，你打我，老師見到有藤條痕會告你㗎』！我咪剝咗佢條褲，咬佢個屁股！」接受訪問期間，外婆一直說孫仔好乖，Jason向她說：「教得好，功勞係歸你。」
360秒人生課堂丨林盛斌Bob高EQ全靠人生經歷累積 豁達面對負評意外為仔女「打底」【下一頁】
至於育有三女一子的林盛斌（Bob），大女已經13、4歲，並有自己的社交平台，更會發文維護爸爸，Bob說：「有時關於我嘅報道，有啲網民或者佢啲朋友轉發，寫咗一啲有攻擊性、負面嘅留言……佢（女兒）又處理得幾好，EQ幾高，有人話爸爸好樣衰，跟住佢會回覆『我唔覺得爸爸好樣衰，我覺得爸爸喺我心目中係好靚仔，唔知道你係點嘅樣呢』。可能我經常喺屋企發放正面思想。」
與吳若希談子女經│Bob提愛女遇Haters攻擊為父辯護 激動落淚：怕佢覺得爸爸係垃圾【下一頁】
期間，Bob接受以微電流按摩器模擬經痛的體驗，他痛到忍不住一掌推開3位主持！陳凱琳差點倒在地上，幸有羅敏莊出手扶實，余安安笑說：「你等多一陣就會習慣……」Bob痛著稱：「安安姐……我真係好尊重你，你有冇試過用呢啲（機器）?」她說：「呢啲我唔使試，我有真（經痛）㗎嘛！」Bob最後表示：「二家姐（二女兒）、三家姐（三女兒）過多幾年就要感受呢樣嘢，女性真係辛苦，每個月嗰幾日，有咩唔開心就攞出嚟講，爸爸都會包容。」
《日日媽媽聲》︳御用婆婆許碧姬照顧腦中風女兒 拍劇集郵：阿女見到合照好開心【下一頁】
小慧和老公蘇志威育有兩個女兒，提到踏入青春期，小慧指家長專注子女的學業方面，她說：「我記得……我媽咪好嚴，永遠只有佢啱，就算佢知道自己錯，仍然都係話我錯！有啲嘢真係佢唔啱，但佢唔認，會令我好抗拒，我冇喺媽咪身上承繼呢樣嘢，反而扭轉咗呢點，如果我做錯，會同個女道歉；我記得第一次Feel到大女有古怪，其實就係因為拍拖，驚我唔接受佢呢個年紀拍拖……其實我好Open，愛係冇得控制，最緊要知道愛情路上應該要點行，你作為父母放手畀佢哋咪OK囉！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】