早霸王丨Alton被讚「索女」似徐嬌 憶往生愛犬死忍：唔想喊苦喊忽

人氣男子組合MIRROR成員王智德（Alton）早前主持ViuTV節目《勁騎26》，贏盡口碑外，做主持方面亦被備受讚賞。昨早，Alton接受由森美、小儀和Marco主持的商台節目《早霸王》訪問，他透露拍攝與播出期間，已橫跨了一個冬季，當時正值聖誕節，是MIRROR最忙的日子，「我記得同張繼聰嗰集，我係冇瞓覺，呆若木雞咁，變咗要靠佢（張繼聰）帶住件事，不過我對佢非常之有信心。」

同場加映：鄭欣宜為演唱會排舞周身瘀 「六膠」Jeffrey「Ian嫂」Amy都要撲MIRROR飛？

{{hket:ul-video id="5780"}}{{/hket:ul-video}}

{{hket:inline-image name="281036735_5316542988410750_768807204823389177_n.jpg"}}{{/hket:inline-image}}

{{hket:inline-image name="279137169_1028112458131122_4412980404276870075_n.jpg"}}{{/hket:inline-image}}

提到最深刻的，Alton表示一定是「浪浪送行者」的一集，他說：「有啲內容冇剪出嚟，我第一刻見到第一個Case嘅貓貓，我嗰吓咁唔舒服，因為我以前有養過狗仔，又係呢個Size，又係白色，所以好觸動到我，但我又唔想喊苦喊忽，原來太過喊苦喊忽係會被人瘋傳，所以不如忍一忍，都要做節目嘅，後來都冇刻意忍，因為啲感覺都好真實；第二個Case，我哋救嗰隻大狗狗，講真，遠睇以為係一嚿木，再近睇，以為係野豬，後來同佢沖涼，如果輕鬆啲做個比喻，好似剝鹹蛋，剝到最後先發現隻蛋係白色。」

勁騎26丨Alton危站公路為保護被撞狗狗 偕義工親自處理動物遺體感動網民【下一頁】

森美大讚Alton有親和力，又指他似女仔樣，說：「我同佢影完張相，屋企人問我『你同邊個女仔出街？』，我Dead咗一秒，『唔係，Alton嚟㗎！』，佢係女仔樣，面細細，白白哋，對眼又矇矇哋，嗰吓係索㗎喎！」小儀向Alton說：「你坐近我哋呢邊多啲啦，唔好黐佢咁多，佢話你索呀！」Alton笑說：「開始有危險！其實我個人有種反差，平時言行舉止，我企圖Man Man哋，有時有禮貌起上嚟，啲人又會覺得咁斯文，成個女仔咁。有人話我似一個女演員，我未有機會接觸佢，佢係徐嬌，我都覺得有啲似。」

Anson Kong學整無麩質生酮蛋糕 Alton挑戰高難度忍者訓練【下一頁】

{{hket:inline-image name="44380663_342930219828383_5638022771647043272_n.jpg"}}{{/hket:inline-image}}

{{hket:inline-image name="52016885_631256674012851_7739776898093377150_n.jpg"}}{{/hket:inline-image}}

至於Alton的秘密，他大方透露在中學時期發生的事，「我做過一件到而家，老師都唔知嘅事。當時我好想參加另一間學校嘅田徑邀請賽，咁舉辦嘅時間係Lunch後，Lunch後我要返學㗎嘛！」小儀問他：「係可以㗎？都唔係公開賽。」Alton回她：「個問題就係唔可以囉，我有叫嗰間學校寫信去邀請，但佢哋就話『冇呀，你嚟到就嚟啦，寫信就唔會寫。』，最慘係我參加係接力賽，如果應承咗就唔可以射人哋波，然後學校就唔畀，我計過數，嗰個係空堂，我好想做呢件事，同埋我覺得著校服嘅時間無幾多，要跑就跑咗先，於是我同同學仔講，『我而家跨過呢幅牆跳過去，然後我就一聲令下，你就將我書包掟出嚟。』當我離開嗰幅牆，踏出嗰一步，我覺得自己好似逃學威龍，人生最似電影就係嗰一刻，事後到我完咗比賽，攞埋獎牌，學校都係冇人知，『Joe Yeung老師，Sorry！』 。」講到最後，才知道曾轉校的Alton當時是代表前學校去參加比賽。

早霸王丨森美去年為男聽眾表白對象竟已婚 Ray再接再厲向初戀表白成功翻撻【下一頁】

{{hket:inline-image name="278066825_762945197954082_6740179638774009774_n.JPG"}}{{/hket:inline-image}}

{{hket:inline-image name="273449685_3238656513022543_659963056340243614_n.JPG"}}{{/hket:inline-image}}

此外，通訊局曾接獲投訴，指《早霸王》主持在聽眾來電環節中，涉嫌以「戇居者有其屋」一詞，嘲笑及侮辱「居者有其屋計畫」的業主，森美說：「我哋係有提呢4個字，絕對冇任何對於政策，同埋對任何人有任何貶低嘅成分，嗰個係節目嘅效果考慮。當時我係做緊《笑談廣東話》嘅新年版，大家聽番就知《笑談廣東話》係咩環節，係會不斷Repeat，確實將嗰句說話Repeat咗10次，其實嗰句說話亦都冇意思，都係將我哋常用嘅廣東用語，夾一啲『食』字喺入面，咁啱就『食』咗居者有其屋，同嗰件事係毫無關係。好多謝通訊局，佢哋考慮咗資訊之後，就有呢個決定，不過我哋用呢個詞語，多次使用，通訊局話有欠審慎，會引致聽眾反感，所以勸喻我哋唔好喇，令到聽眾反感而投訴，要講聲唔好意思，我哋嘅工作係要令到每一個開心同快樂，我會繼續努力，盡力做好。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】