戴耀明行街「中頭獎」後即買六合彩 點知真係中獎有錢收：有運成咁？

現年49歲嘅戴耀明早前宣布成家立室，與未婚妻於今年年尾結婚，不少網民都留言恭喜佢。日前佢又再度宣布一件「開心事」，原來係「中頭獎」兼中六合彩呀！

{{hket:inline-image name="279447958_8276106122406865_5788721715719351967_n.jpg"}}{{/hket:inline-image}}

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

事源早幾日戴耀明喺社交網表示自己「中頭獎」，原來佢行行下中咗雀屎，當時佢話：「頭上沒有樹，我不敢相信飛行中的小鳥放黃金，竟然可中到我！極微機會率！」

佢安慰自己「中頭獎」係鴻運當頭嘅意思，又話諗起周星馳的戲同埋當年《娛樂新聞眼》古巨基訪問王菲的片段。戴耀明話：「我笑咗，但原來真實生活發生嘅時候，自己係笑唔出。」但有網民就話佢「開始行運」，亦有人叫佢「記得買六合彩！」

{{hket:inline-image name="ku.png"}}{{/hket:inline-image}}

戴耀明之後就拿拿聲去咗買六合彩，點知佢真係「中咗」！睇番佢張彩票，雖然只係中咗3個號碼，有40蚊，但戴耀明已經非常開心，「好...驚...呀！原來中雀屎真係會中六合彩㗎！有錢收呀！有運有成咁....唔係呀嘛？」更hashtag「#六合彩 #中獎 #興奮」

戴耀明最近喜事多，早前宣布同分開多年嘅圈外前女友Anna復合，更打算拉埋天窗。佢表示自己早前發現右手前臂腫起，打定輸數以為自己患骨癌。最後好彩咩事都無，只係虛驚一場，「患難見真情」後，戴耀明更多咗個未婚妻添！

戴耀明「骨癌」見真情將與舊愛結婚 醫生做月老圓母「望子成家」心願【下一頁】

撰文：林惠珊