馮素波去年經歷大手術後獲領悟 為紀念爸爸馮峰生前藝術貢獻開騷

現年77歲的波姐（馮素波）昔日於粵語片年代，跟沈芝華、陳寶珠、蕭芳芳、薛家燕、王愛明及馮寶寶組成「七公主」，可謂很早成名，而爸爸馮峰亦是圈中人，是演員亦是導演，參與過無數電影拍攝。波姐今年為紀念爸爸生前對藝術作出的貢獻，下月聯同徐小明及劉惠鳴，舉行《峰波情未了》藝術傳承音樂會。

{{hket:inline-image name="1024_d1d78beca481202b722c59ba74b0806f.jpg"}}{{/hket:inline-image}}

{{hket:inline-image name="bkn-20200811001755682-0811_00862_001_04b_600.jpg"}}{{/hket:inline-image}}

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

波姐日前聯同音樂會表演嘉賓徐小明同劉惠鳴，到新城接受《開心大派對》主持人薛家燕、范振鋒訪問。提到籌辦演唱會的背後因由，跟她去年驗出體內有3cm的腺瘤有關，當時要接受等同是癌症切除的大手術，因此從中得到「領悟」，「上年我做咗個大手術，瞓喺病床諗一諗，最梗要你有條命行返出嚟，都係要有一個機會，若果我撞唔到一個咁好嘅醫生，或者唔係我咁啱去檢查身體，咁我又唔知自己有呢個病，而家未成Cancer啫，如果我懶惰唔去檢查，真係呢個就係Cancer。覺得無論每一樣嘢，學藝或飲飲食食也好，都係要講機緣，於是將爸爸啲嘢拎晒出嚟，成就呢個《峰波情未了》。」

馮素波憶父親偏心明星妹馮寶寶 不斷被比較：佢係主角我唔係【下一頁】

波姐去年5月手術後接受《晴報》訪問，透露她當日檢查體內後發現的是腺瘤，並不是癌細胞，「好彩再掃瞄後知道唔係癌症，係一個腺瘤。因為有1/5嘅腸臟要切除，用普通腸鏡係處理唔到，要當癌症嘅手術去做，唯一唔同係我唔使做化療、電療，亦唔會有生命危險。」

至於馮峰生前留下的珍貴手稿，波姐笑言當時甚麼也不懂，亦未有特別處理，直到近年搬屋發現爸爸媽媽留下的東西外，自己亦有不少東西，為免日後麻煩到兒子，於是想一次過整理，「手稿入面記載咗好多爸爸以前嘅情史同成就，所有點點滴滴，令我回憶起童年。手上好多以往嘅手稿同信件相片，都係實物，好想記錄爸爸所有嘅事情以及自己嘅經歷，但實在太多嘢，所以想數碼化晒，唔想畀囝囝太多負擔，所以有今次呢一個念頭，將所有嘢一次過整合。」

76歲馮素波入院切除大腸腺瘤 媽媽大腸癌離世：擔心會有遺傳【下一頁】

音樂會因為疫情而一再延期，身兼搞手的劉惠鳴表示：「本身開場嘅場次全部都要押後，但我哋堅持一定要等到可以表演為止，期間安排延期同埋退票處理咗三次，就好似搞咗三場演唱會咁樣，但係都值得嘅。現時音樂會粗略計有八成入座率，成績令人滿意。」

（↓點擊放大睇圖片↓）

身為音樂會嘉賓的徐小明同波姐從小認識，但因為遺失了波姐電話，一度搞出笑話，「我開頭唔知係邊個，所以冇聽佢電話，之後波姐傳訊息畀我，傳埋一張自拍，話自己係馮素波，我仲以為係詐騙電話，所以我一直都唔敢聽，怕被老婆發現。直至我搵朋友要番波姐電話，才知道真係佢搵我。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】