熊黛林呻「決戰」孖女無覺好瞓

育有一對四歲孖女的熊黛林（Lynn），前晚為無綫綜藝節目《日日媽媽聲》任嘉賓，她笑言懷孕時，孖女在她的肚子中已展現不同性格︰「一個好懶，一日先踢兩、三下，我成日同佢講BB唔好唔郁呀，媽咪好驚㗎；另一個不停係咁踢，feel到佢以後一定好好動。」Lynn回想當初與孖B「車輪戰」，無覺好瞓非常辛苦，「有時啱啱呢個瞓咗，另一個就醒，跟住可能佢又會嘈醒另一個，成晚係咁循環發生，完全無瞓過覺。」Lynn又透露初期餵兩位千金母乳時，覺得「一邊一個」好幸福，但後來因太辛苦而改以泵母乳餵哺。

另外，早前Lynn獲邀擔任醫學美容中心代言人，並拍攝一系列宣傳照，Lynn穿上多套以白色為主調的服裝，大騷索爆修長身形，盡顯名模風範。