偷師學習「輕理財」 劉佩玥化身最美股票主播

劉佩玥（Moon）最近出任中銀香港「理財TrendyToo」形象大使，更首度挑戰主持一系列網上財經節目，推廣手機「輕理財」買賣股票習慣。變身股票主播的Moon，一身知性端莊造型非常神似，她笑言今次獲益良多，不但加深了解投資冷知識，更發現中銀香港手機銀行有不少投資優惠。

劉佩玥本身已有數年投資經驗，崇尚財務自主，十分認同輕理財概念。成為中銀香港「理財TrendyToo」形象大使後，她更開拓投資視野，學懂多元化投資方法。早前，Moon與中銀香港個人數字金融產品部助理總經理（股票及結構性投資業務）姚益煇（Banco）在不少股票推廣活動上合作，並夥拍城中最強股評人擔任主播，推出一系列投資節目【股市Hot Talk】、【#股票您問我答】等，分享股票市場的冷知識，以及中銀香港手機銀行APP的多個方便投資股票功能。

22秒讀完免責聲明

Moon今次首度挑戰做股票主播，以一身白色行政西裝端莊打扮，置身直播間與不少股評人「烽煙」對談，聽取市場分析及分享股市冷知識。最後，她更一take過，成功以22秒成功讀完過百字的免責聲明，連導演也大讚她天份高。其後她嘗試加速挑戰自己，但搞笑地「食螺絲」，令她不禁大笑。

Moon笑說︰「今次做主播好似演新角色咁，心情好緊張，因為節目入面提到好多專業財經詞彙，唔可以出錯。所以喺拍攝前兩星期，我睇咗好多財經節目，參考主播嘅主持風格。我留意到主播要畀人專業冷靜、從容嘅感覺，打扮、報道時好有自信，聲綫同面部表情都要神態自若，仲要掌握同嘉賓對談嘅節奏。做主播難度好高，今次之後我有信心勝任做股票節目主播、主持人呢類工作。」

小試牛刀買藍籌

Moon表示幸好有Banco協助︰「因為節目提到好多股票詞彙，例如新能源、科網股、央行政策、逆周期措施等，Banco幫咗我好多，有專業投資精英喺旁邊，我好有安全感，加上有財經猛人嘅分析見解，了解咗好多投資冷知識。」她發現手機投資股票非常方便︰「我開始用中銀香港手機銀行投資，試用嶄新嘅NotALot碎股易投資，原來藍籌股最少買1股都得，入場門檻大大降低；又可以用股票Widget功能睇股價同財經新聞，用手機投資係大潮流，要勤力啲做功課。另外，Banco有【#股票您問我答】專欄，我好似問題少女咁，不停問佢股票問題，仲知道依家有股票買賣手續費優惠推廣，如果喺ET Net、AA Stock等手機APP睇啱報價、或透過股票Widget快速功能登入中銀香港買賣港股、中國A股同美股，各享頭3筆證劵交易免佣。我最近留意多咗美股，考慮緊想買賣美股。」

撰文︰Iris

美術︰悠然