無綫《東張西望》昨晚播出的一集，位於深水埗的一間老式餅舖，因被業主加租7成，吳老闆十分無奈，並打算結業關閉，一代老店從此消失；幸好，最後有「白武士」出手，斥資購下該店舖，再轉租給吳老闆，令到這間42年的老餅店重見天日。
同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗
原來《東張》在去年8月30日，報道該老式餅舖被業主加租7成，由原本月租2萬多元，加至3萬8千元，當時餅舖外還貼出告示「新業主瘋狂加租，無奈本月底結業，多謝街坊幾十年支持，後會有期」，與街坊道別，當時吳老闆坦言很不捨得一班顧客。吳家上下，在結業當晚，清潔貨架、餅櫃後便將店舖交還給業主。
東張西望丨美孚新邨老鼠屋未解決轉攻大嶼山 利穎怡素顏被急召到場採訪【下一頁】
人間有情，這間老餅舖不用消失於江湖，吳太再次接受《東張》訪問，憶述「白武士」向他們伸出援手，說：「有個人話，佢嘅老闆睇咗《東張西望》，見到我哋要結束，個個同事都話慘咯，呢啲特色舖喺香港買少見少……於是，呢間拍賣行嘅老闆叫咗秘書嚟搵我，秘書話『我老闆想聯絡你嘅業主，想買舖，然後租畀你』；哎呀！我當時真係……佢又攬住我喊，我又攬住佢喊，嗰種人間有情，連我啲夥伙計都喊埋……無親無故，我唔識佢，我只係一個小小嘅平民喺度賣吓包，維持生計，養大啲細路，我一個咁渺小嘅人，點能夠受人哋咁大嘅恩惠……去幫我？當時真係喊到收唔聲……」
東張西望︳美華獲派單人公屋不再露宿街頭 阿娟反控身分被曝光 搵唔到工？【下一頁】
吳太透露，知道業主出價2千多萬元賣舖，故婉拒「白武士」的幫助，「佢（拍賣行老闆）話以後有咩幫忙，叫我即管出聲。我成日都記住呢個老闆，點解咁好？我何德何能……對我咁好？我係咁低微嘅人……我成日咁諗。」
最後老餅舖結業，恰巧餅舖隔離醫館的醫師要退休，天無絕人之路，吳太馬上向對方提議，可否代為問業主租給她，「呢個係良心業主，咪繼續租落去，業主照番醫師舊租約（價錢）畀我哋，仲平過我以前間舖！而家租金唔使3萬蚊，真係好奇妙呀！」
東張西望丨利穎怡率義工清理735公斤鋁罐 滿頭汗不顧形象 網友大讚敬業【下一頁】
換上新貨架、新焗爐，42年老餅舖重出江湖，再與深水埗街坊見面。在新店開張當日，吳老闆的媽媽上香，吳老闆的兒仔江仔拆下紅紙，餅舖招牌重現，隨即吸引一眾街坊，江仔說：「繼續努力，做好舊香港飲食文化！」吳老闆望著招牌說：「好開心！等個仔接班去做，希望好生意，街坊喜歡。」捧著一盤剛剛弄起的紅豆粽出來的吳太，隔著口罩也感受她的喜悅，「開舖喇！又緊張……見到街坊又開心，幾驚做得唔好。」而街坊亦大讚好味。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】