成軍21年丨Twins開直播唱金曲保持水準 阿Sa以更立體五官迎戰《浪姐3》

唔經唔覺Twins已經成軍21周年，鍾欣潼(阿嬌)、蔡卓妍(阿Sa)兩人齊齊在社交網發文祝賀出道紀念日，阿Sa喺社交平台上載同阿嬌嘅合照，以英文留言「祝我們21周年快樂」；阿嬌亦差不多時間發文，對阿Sa說︰「21周年快樂 love u forever，蔡卓妍 。」

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

身在長沙錄內地節目《乘風破浪的姐姐3》的阿Sa和阿嬌更開live慰fans，畀大家點唱，大唱多首經典金曲，包括《士多啤梨蘋果橙》、《友誼第一》、《女人味》等，真係對佢哋嘅記憶力大考驗。直播期間，網民大讚阿嬌比起之前弗咗好多，佢就表示自己戒咗酒同有做gym，二人更表示想回港開騷。

{{hket:inline-image name="281581562_1186876808774087_4684898654661262697_n.jpg"}}{{/hket:inline-image}}

至於經理人霍汶希(Mani)，則分享多年來與Twins、容祖兒、謝霆鋒、鄭希怡的合照︰「翻看舊相片，原來和妳們(鍾欣潼、蔡卓妍)已經一起擁有了這麼多美好的回憶。21年前決定讓妳們兩個女，以Twins組合的身份一起出道時，就堅信妳們會一直長久下去，無比驕傲妳們經歷過這麼多的珍貴時刻依舊在一起，也無比幸運我們此時此刻還陪在彼此身邊！今天是妳們出道21周年紀念日，今天也開啟新一段乘風破浪之旅的重要時刻。重新啟航，勇敢接受挑戰，每天都有滿滿的活力，老母永遠做妳們堅強的後盾！老母愛你！」阿Sa都回覆Mani︰「老母，Love u！」

阿Sa以全新形象迎戰《乘風破浪的姐姐3》，以Rap唱出佢其中一首金曲《小酒窩》，仲配合勁歌熱舞，睇到前輩們都好high。唔少fans都大讚佢咁年嚟都童顏不老，更加越大越靚，五官比起以前更立體！