【聲明】港生活網站並無進行電話推廣活動

見證首個巴士廣告激動爆喊 鄭欣宜︰感覺好唔真實

發佈時間: 2022/05/20

鄭欣宜(Joyce)將於下月假紅館舉行三場演唱會,她昨日特意到九龍灣巴士車廠,與印有其個唱海報的巴士車身廣告打卡;惟當Joyce親眼看到龐大的巴士車身廣告時,激動得又喊又笑。

鄭欣宜下月舉行三場紅館個唱,門票早前已火速售罄。37輛印有其演唱會海報的巴士,原定為門票開售造勢,結果第一天開賣即被搶購一空,Joyce笑謂可由推銷變慶祝售罄。Joyce又自言到車廠前早作心理準備,但沒料到看見巴士真身時如此震憾,見她碌大眼睛原地發呆,然後雙手掩面眼泛淚光,更蹲在地上哭。數分鐘後,Joyce破涕為笑說︰「感覺好唔真實,好靚呀!」

尚餘三星期便開騷,Joyce坦言最近排舞練到遍體瘀傷︰「周身瘀晒,無乜掂到嘅位置都瘀,大髀、膝頭、手指,就連hip位都瘀咗。可能我太瘦,骨杉杉撞到都唔知,哈哈!我知大家反應咁好,咁支持我,所以更投入忘我咁綵排,希望喺台上做到最好,答謝買飛入場嘅fans。」

個唱後不再生酮飲食

另外,Joyce日前接受TVB娛樂新聞台節目《Star Talk》訪問,大談相隔四年再舉行紅館個唱的感受,她表示︰「今次度rundown(流程)時已經話要跳到甩肺。今次多咗時間準備自己,狀態好,所以希望可以去到盡,無底綫。上次開騷斷咗腳,好多嘢要就住就住,驚會整傷,今次無呢啲憂慮,我會盡情投入,就算唔甩肺,都甩啲底褲啩,哈哈!」為個唱清減不少的Joyce,直言減肥是為了有更佳的表演,所以做了很多體能訓練,但她強調︰「最緊要都係健康,同埋我完咗演唱會就唔會再生酮(飲食),因為我真係好鍾意食粥粉麵飯。」

撰文︰倪小珊

美術︰梁政敏

見證首個巴士廣告激動爆喊 鄭欣宜︰感覺好唔真實

Joyce看到巴士車身廣告時激動落淚。

見證首個巴士廣告激動爆喊 鄭欣宜︰感覺好唔真實

Joyce遺憾未能親身見證鄧小巧於加拿大的婚禮。