好人好事︳袁文傑協助拯救左眼壞死流浪貓 承擔手術費：唔救起就無命

袁文傑出名是愛貓之人，平日會幫忙拯救流浪貓狗，為「毛孩」們尋找安身居所。昨日（20日）他在IG透露成功拯救了一隻左眼壞死的小貓，這次是一位朋友向他致電求助，聲稱在柴灣救起一隻小貓，於是透過熱心義工協助，將牠送去私家獸醫檢查兼做手術，暫時要留院觀察幾日。

{{hket:inline-image name="yuen_man_kit_281342997_126557613338552_7903065434827706400_n.jpg"}}{{/hket:inline-image}}

{{hket:inline-image name="yuen_man_kit_120085370_2777292049219753_6643964392730998121_n.jpg"}}{{/hket:inline-image}}

同場加映：雙生陌生人︳馬德鐘望有分身幫手拍戲減壓 從不強求父子檔：等佢自己諗

{{hket:ul-video id="5763"}}{{/hket:ul-video}}

袁文傑昨日接受《晴報》訪問，親自講述救小貓過程，「今次係一個朋友嘅朋友，喺柴灣救起咗一隻貓仔，佢好細隻、左眼又有啲事，而呢位朋友冇養貓，於是乎問我有咩辦法，跟住我搵咗朋友文哥幫手。文哥喺義工界好有名，甚至會去接收貓狗屍體，進行清理同火化；咁啱當時文哥喺柴灣區，即刻過去救貓，之後交咗畀熱心又愛護動物嘅薯媽，貓仔就去咗私家獸醫檢查兼要做手術，暫時要留院觀察。隻貓真係好慘，如果唔救起就無命，而家睇吓有無善心人收養，我哋會負擔手術費。（會否收養這隻小貓？）我有想過收養嘅，但本身屋企有養一隻，不過唔緊要，最重要係救番佢。」

袁文傑放下喪貓之痛收養貓仔Saka 性格似狗仔：喵到你要睬佢至止【下一頁】

袁文傑指該位獸醫也是愛心之人，流浪貓狗的醫療費會少收一些，大家都是盡心盡力去做好這件事。至於小貓日後去向？他說：「出院後會由薯媽照顧，佢係個好好心地嘅人，本身有間買寵物用品嘅舖頭，入面收留唔少流浪貓狗，但全部都唔係賣嘅。好似今次事件，救起之後會帶返去加以照顧，其實係件好沉重工作，因為要不時觀察住，若果動物身體有咩唔穩定或要定時進食，基本上一日24小時全部畀晒佢哋。當佢哋身體痊癒，就會喺朋友圈呼籲，睇吓有無有心人想領養，覺得咁樣係對動物一種好大嘅福氣。」

《家有囍事》世紀合照｜袁文傑卅年後偶遇「無雙表妹」 毛舜筠與「家明表哥」相見不相識【下一頁】

提到會否成立一個場所收養動物，袁文傑話：「本身無特定時間出去幫貓狗，多數是出少少錢或呼籲一吓，真真正正落手落腳去幫嘅義工係好難得，覺得要畀個光環去加許佢哋。所以無諗過去搞個場，因為責任好沉重又龐大，加上自己嘅空閒時間唔夠，惟有利用自己有限力量去做，幫得幾多就幾多。不過我同Jackeline（太太張潔蓮）嚟梗會喺YouTube有個頻道『iPet Channel』，內容係以動物做主題，最主要使命會包括有流浪動物嘅訊息，希望透過節目作出更多呼籲同關注，唔剩只係屋企嗰隻寵物要錫，其實出面有好多好慘嘅動物都要錫。」他預告頻道正在籌拍中，希望到時以直播形式進行，每集會邀請獸醫上來，即時解答寵物主人的問題，但由於六月開拍新劇，暫時未知時間能否配合得到。

（↓點擊放大睇圖片↓）

此外，袁文傑曾去動物診所探望這隻小貓，在IG拍片講述整個情況，並留言寫上：「小貓在柴灣先被好心人救起，我再通知有心人文哥趕往救援接走，然後由薯媽再帶小貓去醫院，結果要做手術，也留院數天！如今小貓已完成第二次手術，小貓左邊眼球已摘除，因為太細小，有一定風險…。#善待流浪動物 #毛孩」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】