聲生不息丨楊千嬅家庭為首放棄爭名逐利 笑對網友嘲老：年紀大係事實

楊千嬅近來人逢喜事精神爽，除了在內地綜藝節目《聲生不息》中，獲得樂迷支持外，她籌備多時的紀錄片亦正式上架，分享入行25年來的點滴；邀請到老公丁子高、好友陳奕迅、吳彥祖、前經理人郭啟華等等進行訪談。回望過去，千嬅認為一切來都不容易，身經百戰的她就算近年經常被網民笑老，她亦不會視作負評，最重要清楚明白自己的生活節奏。

{{hket:ul-video id="5818"}}{{/hket:ul-video}}

聲生不息丨炎明熹與楊千嬅合唱儼如母女檔 曾比特唱《單車》感性憶起亡父【下一頁】

{{hket:inline-image name="CHIN6.jpg"}}{{/hket:inline-image}}

{{hket:inline-image name="CHINf3.jpg"}}{{/hket:inline-image}}

48歲的千嬅在《聲生不息》中跟不少新世代歌手合作，相當享受其中，「今次參與度大好多，唔只幕前，仲有幕後選歌、編曲等都有得參與，畀我發揮，幾好玩。一首歌唔同人會聽出唔同故事，《勇》唱過好多次，今次再有機會，同Gigi（炎明熹）合作就用唔同心態、層次去表達呢隻歌。」提到她在節目中跟跟周筆暢（36歲）、單依純（20歲）合唱，不承認是「三代歌手」，她笑認自己未夠「分數」，可能自己再大多幾年才會慢慢接受。

今次的紀錄片中，記錄千嬅由護士轉行歌手到結婚生育的經歷，「好多感受同回憶，至今我仍慶幸我喺華星出世，畀我一個好紮實做藝人嘅基礎，除咗唱歌，仲有演戲、做主持等等，令我有好多可能性。而家回頭睇當然覺得唔容易，不過唔止我，相信每個人一路走來都唔容易。」千嬅一直以來笑對負面新聞，對於近年經常被網友封為「楊千蟬」、「樂壇人瑞」等等，她表示：「年紀大唔係一個負評，係一個事實，咁我真係會老嘛！唔會唔開心，係正常人生過程。所有嘢都係人生經歷，重要係我目標好清晰，最緊要健康身體，我要照顧父母、陪伴小朋友成長，中間有時間唱歌、追求夢想去令自己快樂......追夢係生存養分，有呢幾樣生存基礎已經好幸福。」

梅艷芳｜楊千嬅宣傳活動因乜瞬間黑面？ 《好聲音》冠軍曬珍藏梅姐CD出事【下一頁】

千嬅表示囝囝Torres已經10歲，踏入這個人生階段，珍惜所有演出機會，「對我嚟講家庭最重要，小朋友開始大個，有自己嘅獨立生活模式，我做媽媽嘅可以多少少時間做自己想做嘅事︰好似出新歌或者參加好玩嘅綜藝節目……生活就係呢一種節奏，冇話要再強求啲咩嘞！」

{{hket:inline-image name="CHIN1.jpg"}}{{/hket:inline-image}}

提到近年香港樂壇有不少新世代歌手都非常成功，作為入行25年的資深歌手，千嬅認為樂壇絕對可以百花齊放，「我做新人時都想人哋畀機會、接受到我嘅音樂，以前好多前輩同場，最重要互相成就、互相學習。講到尾，出道幾多年都好，新一代又好，舞台好公平，唔係因為我做幾多年要特別受尊重，亦唔會因為初初出道、新人就冇機會上台。舞台好公平，你享受、唱得好、表演得好，就有人會欣賞。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

化妝：Angus Lee
髮型：SHI FANG KE / Frank Shi
攝影：Lizhe
責任編輯：楊安莉