星光路上丨樊亦敏爆小六開始已接拍廣告 自揭講說話一輪嘴其實有原因...

樊亦敏近日正式復工繼續接拍《愛回家之開心速遞》，不少觀眾都話劇中「三太」白天娥回歸，令劇集的氣氛都生色不少，特別是樊亦敏減肥成功，變得又瘦又索，絕對令大家眼前一亮。其實，樊亦敏本身是模特兒出身，她近日接受《星光路上》潘盈慧的訪問，自爆原來早於小六的時候已經接拍廣告，實在天生麗質難自棄！

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

愛回家丨三太弗爆回歸傻氣帶跳健身舞 樊亦敏靠輪椅出入：多謝陳浚霆【下一頁】

{{hket:inline-image name="SAN19_600.jpg"}}{{/hket:inline-image}}

{{hket:inline-image name="fan5.jpg"}}{{/hket:inline-image}}

{{hket:inline-image name="fan6.jpg"}}{{/hket:inline-image}}

樊亦敏提到入行經過，她說：「六年班時媽咪有朋友做廣告，要搵小朋友拍廣告又唔夠人，就搵我去拍一個朱古力廣告，都幾深刻印象，因為拍攝時食好多朱古力。」隨後，樊亦敏當上模特兒，最為大家認識的就是陽光檸檬茶廣告，眾所周知她是第二代的「陽光妹」，飾演唱片店內的少女，不過樊亦敏爆原來早於第一代廣告，她已經跟鄭伊健有對手戲。「我同伊健係拍第一代，當時我唔係主打啦，女主角去咗圖書館見到佢鍾意嘅男仔同另一個女仔玩緊，嗰個人就係我喇！當年我見到鄭伊健嘅時候，我都覺得呢個男仔幾靚仔。十幾歲拍完個廣告已經好開心，點知隔咗一排廣告商搵我拍第二代廣告做女主角，就成為咗經典，亦好感恩記錄我青春美麗一刻。」

她笑認自己是獨女，個性較孤僻，愛同狗仔對話多過同人講，所以在日本讀書回港放暑假時，被媽媽鼓勵之下參選香港小姐，「當年要買一件泳衣去面試，到而家我都有保留住，因為我成日覺得自己著得番。我當年只係得97、98磅，睇吓身體健康番可唔可以著得番啦！」對於自己得到「最上鏡小姐」但三甲不入，樊亦敏笑言：「我性格係比較似三太咁，我覺得自己靚咪得囉！我唔理你畀唔畀獎我，我靚咪得囉！」

樊亦敏稱因身體過敏導致肥腫難分 減40磅減齡十年回春全因風少？【下一頁】

樊亦敏指初入行被港姐保母形容講說話「冇尾聲」，她解釋：「我有過敏症哮喘，成日好唔夠氣，我就好想一啖氣講晒要講嘅嘢，所以一輪嘴咁講完就停，唔夠氣所以冇尾音，近年先練得好啲，先叫到『威哥』咁！」她接拍《他來自天堂》時榮升第二女主角，不過卻患上免疫力病，加上哮喘，令她不斷掉髮，最終頭上只剩下三分之一頭皮位置有頭髮，只能夠戴假髮演出。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉