港台及無綫將於7月24日舉行《香港金曲頒獎典禮2021/2022》，「最佳進步獎」候選名單亦率先出爐，但人氣爆燈的ViuTV男團MIRROR竟然未能入圍。鏡仔成員陳卓賢（Ian）昨日出席信用卡活動，他豁達指是否獲獎也不影響他們的工作熱誠，更笑言：「可能（主辦單位）覺得我哋之前已經進步多咗，所以進步空間少咗！」
同場加映：聲生不息丨楊千嬅家庭為首放棄爭名逐利 笑對網友嘲老：年紀大係事實
陳卓賢昨日西裝骨骨現身信用卡活動，獲不少Hellosss（Ian粉絲）現身支持。Ian正密鑼緊鼓準備7月25日開鑼的10場MIRROR紅館騷。Ian說：「我準備緊自己部分，已經揀好歌，不過今次唔會太祼露，會要以音樂為主。」前日《香港金曲頒獎典禮》公布「年度最佳進步獎」入圍名單，但MIRROR、林家謙等當紅歌手無緣入圍；同時大會僅設立樂隊獎，卻未有組合獎，變相令偶像組合MIRROR連角逐資格也沒有。Ian坦言未有留意該頒獎禮：「係咪太睇得起我哋，覺得之前進步多咗，所以依家進步空間少咗。就算有無進步獎，我哋我都不停迫自己進步，獎項唔會影響我哋用心做嘢。」
剛推出新歌《Got U》的Ian，似未獲公司重點宣傳，幸有Hellosss落力買廣告燈箱應援。Ian特別感謝歌迷，更大方稱︰「有歌出已經好感恩，因為出歌要好多資源。（公司將資源投放在姜濤、盧瀚霆及呂爵安身上？）唔會，我明嘅，每個粉絲都着緊自己偶像，MIRROR係一個團隊，公司有唔同分配，我唔覺得偏心。」對於隊友陳瑞輝（Frankie）宣布與拍拖13年的女友甩拖，Ian指對方爆「分訊」前曾一起宵夜︰「拍拖係兩個人嘅事，我又唔識講嘢，唔使安慰，同埋佢哋覺得我耳仔好過嘴，我係一個樹窿。（驚MIRROR分手魔咒？）唔會，巧合啫。」他強調與女友盧慧敏感情穩定︰「我哋還好，自己唔擔心。（好甜蜜？）還可以。」
此外，MIRROR另一成員王智德（Alton）及ERROR成員何啟華昨日出席新劇《大誠實家》拜神儀式，Alton認為Frankie在隊中最年長，夠成熟處理感情事。至於有傳MIRROR將為演唱會到美國排練，Alton稱要問公司，又坦言眾隊友各有各忙難夾時間，預計會在下月開始綵排，又透露自己今次不用騷肌。至於另一成員姜濤，昨日正式出發前往美國，雖然未知此行目的為何，但他昨晚在機艙內開IG直播，只見他全程不停整理帽子，期間完全無出聲，但已吸引逾1.5萬人收睇。
撰文：梁紹明
攝影：林良明