【聲明】港生活網站並無進行電話推廣活動

透露將與「賦二代」李元元合作 MC張天賦︰買定糖𠱁佢

發佈時間: 2022/05/25

MC張天賦、馮允謙(Jay)和Dear Jane前晚為《CHILL CLUB Keep Going》演唱會綵排,提到李元元(Lucy)是MC的星級「賦二代(MC粉絲)」,MC直言經常追看Lucy的IG,大讚對方可愛,更透露兩人將會合作,令人相當期待。

MC張天賦前晚受訪時,自爆將與李元元合作,他笑指不擔心Lucy屆時會「情難自控」,他一臉期待表示︰「佢好可愛呀!其實我好鍾意小朋友,所以特別有耐性,會買定啲糖或者小禮物𠱁佢,等我試探下軍情先,問下佢鍾意食乜。(擔心Lucy爸爸李璨琛呷醋?)應該唔會嘅。Lucy係暫時年紀最細又迷戀我嘅粉絲,淨係知道佢好鍾意我嘅歌,到時見到真人再同佢慢慢溝通。」

另外,馮允謙日前擔任張敬軒的紅館演唱會嘉賓,Jay開心道︰「因為我第一次上紅館嘅四面台,仲可以同軒仔合唱。(七月喺九展開騷請佢做嘉賓?)我之前送咗兩張手畫嘅飛畀佢,但唔夠膽請佢做嘉賓,驚佢請我食檸檬會好傷心。」

採訪︰倪小珊

美術︰梁政敏

攝影︰林良明

透露將與「賦二代」李元元合作 MC張天賦︰買定糖𠱁佢

Jay揚言月尾要閉關,專心為演唱會綵排。

透露將與「賦二代」李元元合作 MC張天賦︰買定糖𠱁佢

Lucy搞笑地學MC擺甫士,更曾對着其人形紙牌又攬又錫。(資料圖片)