蔡一傑 讚《造星IV》方方夠搶眼

草蜢三子蘇志威、蔡一智及蔡一傑（傑仔）去年底開設YouTube頻道，近日在新片中找來一班合作無間的舞蹈員，一邊歎紅酒一邊盡訴心中情；期間傑仔被投選為「遲到大王」，一眾舞蹈員又大爆三子排舞時經常嘈交。

至於曾參加《全民造星IV》的「負評王」方方（方芷欣），原來是草蜢的御用舞蹈員之一，傑仔大讚對方的表現︰「咁多人當中，只有方方一個搶到我眼球，佢跳舞好有力量，唔係軟皮蛇；排舞又唔偷懶，就算幾攰都無呻過。」傑仔亦特別寄語方方︰「你畀心機去做，一定得。」方方聞言感觸道︰「我喺傑仔口中得到咁高評價，受寵若驚。」