好人好事︳青衣女童疑患過度活躍症走失墮海 釣魚客一手救起請飲檸檬茶定驚

昨日（24日）傍晚時分，有青衣街坊發現長發邨海傍有一名疑似患自閉症的女童走失墮海，幸有釣魚客及時將她救起，遂即報警及於社交平台發帖尋找其家長，「十萬個急，有冇人唔見咗小朋友？」警方接報後到場了解，7時許成功聯絡到女童家長，其母趕往接回女童。據悉，女童疑患有自閉症和過度活躍症，由家人帶同下樓遊玩時突然走失，繼而不慎墮海。

同場加映：

Sick問識答︳一個時期最嚴重隨年紀增漸穩定 醫生拆解鼻敏感斷尾條件

{{hket:ul-video id="5809"}}{{/hket:ul-video}}

昨日傍晚6時25分，有青衣街坊在Facebook群組「青衣街坊吹水會」發文尋人，稱目睹一名女童獨自在長發邨對出海傍游蕩，其後攀出圍欄不慎墮海，其釣魚女友人見狀後立即衝上前將女童「抽起上岸」。女童獲救後全身濕透，不發一言及想自行離去；釣魚女友人遂請女童喝檸檬茶，以便留住對方暫時看管，同時報警及著他在社交平台發帖尋找其家長，

「十萬個急，有冇人唔見咗小朋友？應該有自閉，不會說話，剛剛跌咗落海，朋友釣魚見到一手捉返上嚟，請佢飲嘢留住佢。已報999，但未到，長發海傍。」

青衣街坊、網友齊助女童尋家人

帖文在短時間內獲大批網民關注及轉發，發帖街坊表示他們將女童帶往附近的社區中心安頓，並給她外套保暖。警察接獲報案後到場了解及向女童問話，協助尋找其父母。至晚上7時04分，發帖街坊在留言區更新情況，表示警方已聯絡到女童家人，其母趕往現場接回女童。

事後，救起女童的釣魚女友人在留言區表示，懷疑是婆婆帶女童下樓玩耍，惟因女童患有過度活躍症而走失，「婆婆年紀大唔夠佢走得快，婆婆都周圍搵緊佢」；猶幸當時她在海傍釣魚，目睹女童墮海才能及時將她救起，亦慶幸女童沒有受傷，

「佢飲咗海水呀，我冇水呀，得檸檬茶，咪畀佢飲，等佢可以乖乖地坐定定，等差人到。」

網民大讚：好人好事！

不少網民都留言稱讚發帖街坊及救起女童的釣魚客熱心助人，才能迅速助女童尋回家人，「感激你哋救番佢」、「感恩佢遇到你哋，唔係後果不堪設想」、「香港人有良心，好人好事」；另有網民質疑女童家長未有好好看顧女兒，或涉及疏忽照顧。而發帖街坊則認為照顧SEN（Special Educational Needs，特殊教育需要）小朋友並不容易，呼籲大家體諒，

「唔係去追究點解會咁樣湊小朋友，我估佢屋企人聽到呢個消息都嚇到傻咗，一定會再小心啲照顧小朋友。大家都多啲留意吓身邊嘅人，睇吓有冇人有需要幫忙。發生呢啲事都冇人想嘅，幫到就盡幫。」

心理陰影︳男童挨跌天線得得B  受驚連問︰點解個公仔咁恐怖  專家拆解心理陰影＋安撫方法，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女

https://fb.com/HealthyLifeExpress/

撰文：賴天兒