日日媽媽聲丨孫慧雪過度緊張囝囝老公反對 誤會骾親倒吊狂掃：塊面都變色

由余安安、羅敏莊、陳凱琳擔任主持嘅《日日媽媽聲》第二輯，逢星期一至三晚10點半於翡翠台播映。昨晚（24 日）播出的第5集，請來孫慧雪（雪雪）、洪永城及甄采浠（前名甄詠珊）擔任嘉賓。

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

{{hket:inline-image name="263ae6634283f769ec7ff477bf35df53.jpg"}}{{/hket:inline-image}}

育有一子的靚媽雪雪透露與老公的湊仔方式大不同，她指老公是放任型爸爸，會嫌佢太緊張小朋友，雪雪說：「佢覺得男仔要Man啲，出街唔好拖住，會搞到好似裙腳仔咁。」同時大爆老公離譜湊仔事件，「老公帶阿仔去主題樂園玩，佢返到嚟好冇嘢咁話頭先唔見咗個仔，我聽到就好擔心啦！點知佢話『男仔嚟嘛！佢識自己返嚟搵我啦！而家咪喺度囉』！」

雪雪是緊張型媽媽，則自爆烏龍事件， 事緣阿仔兩歲時試過喺佢面前扮作將兩蚊銀放入口，當時佢以為阿仔骾親，嚇得六神無主，「我反應好大！嚇親佢，見到佢想喊，我更加覺得係骾親……之後將佢成個人倒轉係咁掃（背），諗住幫佢掃番出嚟，搞到佢塊面都變埋色！最後要Call白車，佢上到車先識喊，佢以為媽媽傻咗！」

雪雪同圈外老公羅天彥（Edwin）教育方式唔一樣，兩個都一樣咁錫阿仔。男方以約1,145萬元購入黃竹坑站港島南岸第2期揚海，項目2B座低層單位，據土地註冊處資料顯示，實用334方呎，一房間隔，呎價約34,281元。雪雪老公以個人名義入市，雪雪接受傳媒訪問時透露兩夫妻大前年已上車，當時以女方名義購入，但樓齡較舊，所以花了不少錢裝修及大廈維修保養方面。故呢次用老公個人名義入市，既可享首置優惠，又可以慳唔少裝修費用；直言買樓同老公一人一半，希望將來留畀小朋友。

撰文：黃蘊姿