單向李佳芯好友丨陳恩德兜踎破產亡妻不離不棄 食正「沙士」水翻身被指發國難財

現年53歲嘅「蟲草大王」陳恩德因為同視后李佳芯轉出緋聞而知名度大增，他最近更獲邀到陳志雲的YouTube「志雲頻道」做嘉賓，分享佢發跡後破產，再逆轉人生開拓佢蟲草王國嘅經歷，更激罕談及陪佢經歷人生高低嘅亡妻。

同場加映： 聲生不息丨楊千嬅家庭為首放棄爭名逐利 笑對網友嘲老：年紀大係事實

{{hket:ul-video id="5818"}}{{/hket:ul-video}}

唔係傳統豪門，亦唔係暴發戶，唔少人都對陳恩德嘅「發跡史」好有興趣。陳恩德並非生於大富之家，但佢表示自己自21歲就好崇拜有錢人，亦積極諗計致富。畢業後進入金融公司工作，學炒股票同外匯，去到97前樓市高峰期，就搵到佢嘅第一桶金。

不過3、4年後因為投資失利，亞洲金融風暴令佢欠債數百萬，因而破產，失去所有金融牌照：「一兩年之間搬咗7次，遊牧民族咁，有啲人嚟收數，惟有漏夜搬，出動晒所有親人拆嘢搬嘢，一個禮拜搬三次，其實幾恐怖㗎嗰啲日子。」佢指當年只係每日諗可以點過，只係知道諗要點生存，佢指當時有一位「朋友」落井下石：「記得啱啱搬完第2日又收到張字叫我交訂，交唔到就搬番嘢走，記得嗰日我喺間房喊，點解要咁絕？但嗰陣我真係抵死，輸得太盡。」

{{hket:inline-image name="3.JPG"}}{{/hket:inline-image}}

當時陳恩德仲未有小朋友，靠申請破產同打工捱過呢段日子：「得一個傻婆跟住我。（你過咗身嘅太太？佢有冇怨言？）冇，傻㗎嘛。佢係你去邊，我跟住你行。嗰陣乜都冇，我記得破產之後攞住20蚊兩公婆去行街，嗰吓反而輕鬆好多。（太太完全冇怨言？）冇，瞓地下就陪我瞓地下。」

陳恩德喺破產5年間開始學做藥，受董建華建議的中藥港啟發而加入藥業由學徒從低做起，逗$15,000人工，捱一年後轉職幫中醫師打工，並創出豐胸減肥藥成為當時同類型產品銷量嘅冠軍，之後同家人成立保健品公司御藥堂，後來更靠代理中藥板藍根而再度致富，並成立仍志集團，最近又做回老本行推出「蟲草19」。

陳恩德講到自己點樣離開，開創自己生意：「呢個世界有功高蓋主四個字，同事、合作夥伴都淨係認我，直到一餐聯誼飯，同一間連鎖店所有分店經理同我哋公司一齊食飯，嗰餐飯成班人一齊叫我大佬，跟住就一語成讖。嗰年農曆新年會計師、律師、Secure一齊衝上我房：『唔好掂嘢，執嘢走。』，之後我派埋利是就走。」

陳恩德離開舊公司後打算再搞減肥藥，點知撞正沙士︰「沙士殺到，屈臣氏打畀我問我有冇板藍根，嗰陣時為咗做生意，點都答有，幾時要？要幾多？1萬樽？得，一收線，死喇，由零開始，即刻打電話返內地，其實當時板藍根已經唔落得嚟廣東省，全部要北上，好彩啲廠畀面，即時攞咗第一噸板藍根。當時其實我冇錢買，我話收到訂先畀錢，星期五晚訂，星期六就到香港；之後再搵樽，韓國樽用一日時間安排飛機，之後搵Designer連夜再做貼紙，當時公司得5個人，再搵臨時工幫手，星期六晚開始包裝，星期日一日由早到晚做足24個鐘，到凌晨五點完成咗萬5樽左右，第一日就差唔多賣咗1萬樽；之後再有單，要2-3萬樽，之後就一次過訂3噸板藍根，係咪賺好多錢呢？唔係，但結帳模式好快，我有現金周轉，就可以開始做減肥藥，啲人話我發國難財，但無辦法，為咗生存。」

陳恩德破產時對自己許下承諾搵到錢就會幫助有需要嘅人，2017年佢成立人間有情慈善基金，而今次的疫情初期佢都有捐錢同高價買口罩派：「還番『國難』個恩，當年國難（家）有事我賺咗一筆錢，其實我一路有做，不過唔會打鑼打鼓，我由破產開始就做善事，不經不覺已經20幾年。」

撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】