【聲明】港生活網站並無進行電話推廣活動

自認前輩歌手 許廷鏗冀跟盧瀚霆學跳舞

發佈時間: 2022/05/26

許廷鏗(Alfred)前晚於九展出席《CHILL CLUB Keep Going》音樂會,由於Alfred上月於《CHILL CLUB推介榜年度推介21/22》頒獎禮獻唱時,疑有工作人員未熄咪而干擾其表演,大會遂在同一舞台作出彌補。前晚「復仇」演出的Alfred,在台上笑言︰「其實有少少陰影。」

許廷鏗、盧瀚霆(Anson Lo)、馮允謙(Jay)及MC張天賦等前晚舉行《CHILL CLUB Keep Going》音樂會,Anson Lo打頭陣出場,又唱又跳《EGO》、《Mr. Stranger》及《Megahit》,炒熱全場氣氛。

「復仇」演出感開心

另外,Alfred上月在頒獎禮演唱時,有工作人員不斷說出「Keep going」,但全程被意外收音,影響Alfred的演出;他事後在社交網發文放負。重提此事時,Alfred笑言︰「最後變咗個騷嘅主題都幾好,有啲事換個角度去睇都幾開心。」

談到Alfred日前擔任張敬軒的紅館演唱會嘉賓,他大讚軒仔是不可多得的前輩歌手︰「我嗰晚送咗張黑膠唱片畀佢,仲寫住希望我哋可以抵抗時代巨輪嘅壓力,繼續求新、求變。」Alfred又自認是前輩歌手,望與後輩Anson Lo合作,至於可想二人合唱《Megahit》?Alfred卻擔心會帶出另一種感覺,「我驚變咗好似街市叫賣咁,但我對跳唱有興趣嘅,希望佢可以指導下我,我知道佢要求好高,希望佢對我嘅要求高得嚟又唔好太高;不過我知佢好尊重長輩嘅,哈哈。」

採訪︰倪小珊

美術︰梁政敏

攝影︰林良明

自認前輩歌手 許廷鏗冀跟盧瀚霆學跳舞

Anson Lo在無綵排下完成表演。

自認前輩歌手 許廷鏗冀跟盧瀚霆學跳舞

有份演出的Serrini,以誇張頭飾及低胸鮮艷橙裙成為焦點。