日日媽媽聲︳袁文傑遺憾未能見母親最後一面 靠太太張潔蓮走出喪母傷痛

袁文傑昨晚（25 日）擔任節目《日日媽媽聲》嘉賓，接受主持人余安安、羅敏莊及陳凱琳訪問。當重提2018年時媽媽因病離世，他遺憾因工作未能見到最後一面時，一度在鏡頭前數度哽咽。他感恩當時有太太張潔蓮（Jackeline）陪伴左右，令他從喪母之痛走出來。

{{hket:inline-image name="TVB06.jpg"}}{{/hket:inline-image}}

{{hket:inline-image name="yuen_man_kit_44898224_389585161815076_6005302748458904164_n.jpg"}}{{/hket:inline-image}}

同場加映：廖素屏入行41年爆拍荷里活威水史 御用肥師奶自帶喜感：凡事向好看

{{hket:ul-video id="5814"}}{{/hket:ul-video}}

袁文傑這晚再次憶述媽媽離世情況，表情難掩傷感，「嗰日原本醫院通知我哋話『差唔多』，但媽媽嗰日成日都好堅持，晨早接到弟婦打嚟話『奶奶唔得嘞』，我就出發外景之前去咗醫院，睇吓可唔可以陪佢最後一段時間。但媽媽又好堅挺，於是我又返公司準備開工，當我上外景車時弟婦又再打嚟，我就臨危臨忙同監製講，係好唔專業嘅說話，問可唔可以跳拍其他人嘅戲份先，我想去見我阿媽最後一面。」他來回往返醫院及拍攝場地，最終還是未能趕及見媽媽最後一面，他遺憾說：「好記得再次趕去醫院，電梯門一打開，Jackeline坐喺張長櫈度，同我講你唔使咁趕…」

好人好事︳袁文傑協助拯救左眼壞死流浪貓 承擔手術費：唔救起就無命【下一頁】

袁文傑坦言事後全靠太太一直陪伴，才能從喪母傷痛中走出來，「由媽媽走嗰刻開始，我從來冇出現過所謂崩潰式情緒，只係感覺個心好入面似慢慢畀嘢刮梗，係多得Jackeline喺我身邊，佢冇畀任何壓力我，總之我需要啲乜嘢，佢都盡量幫我。」袁文傑與Jackeline婚事最終因此延期，至2020年12月在疫情下低調行禮，人生進入另一個階段。

（↓點擊放大睇圖片↓）

袁文傑也有分享昔日與媽媽的相處點滴，「今時今日仲可以坐喺度，媽咪嘅支持力度係最大，由我喺無綫讀訓練班開始，而至到舊公司（亞視）拍第一部劇，無論我開工到幾夜，佢都會瞓住等我，煲番熱啲湯畀我飲。其實知道嗰段時間佢無真係瞓著，因為要好醒瞓，知道我幾點返嚟，而家啲𡃁仔成日唔返屋企食飯，特別係唔飲嗰啖湯，覺得係好老土，遲啲佢哋就知味道。」他遺憾指兩母子沒有留下太多的合照，因為雙親昔日為口奔馳，不會有閒情逸致去影相，「去到近呢廿年環境開始好啲，但媽媽身體開始唔係咁好，睇番啲相見到佢都係比較憔悴。媽媽影響咗我做人態度，佢教我做嘢要公平，唔好太過計算，我唔知係咪做得最好，但一直有記住。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】