黛安
黛安

戶戶送×5餐廳×嘉道理農場 世界環境日點餐 送種子感謝卡

發佈時間: 2022/05/27

戶戶送×5餐廳×嘉道理農場 世界環境日點餐 送種子感謝卡

6月5日係世界環境日,黛安聽聞,戶戶送將聯同5間餐廳合力將環保融入顧客嘅日常,一齊締造綠色生活。參與嘅餐廳早前都參加咗戶戶送推出嘅環保包裝補貼計劃,採用零塑環保包裝及淘汰即棄塑膠餐具。

只要喺6月5日經戶戶送惠顧指定餐廳嘅精選美食,即可獲贈種子感謝卡1張,數量有限,送完即止。呢張卡可直接放入土壤中種植,等植物長出後影相上載至個人社交平台,每一個成功種植嘅分享,戶戶送都會向嘉道理農場暨植物園捐款種植1棵樹,並會喺今次活動結束時向園方捐款$20,000,協助喺園內種植約50棵樹,為香港重建原生森林。

黛安知道,今次同嘉道理農場暨植物園嘅合作,屬於戶戶送全球社區項目「戶戶助人」其中一項活動,「戶戶助人」旨在運用外送專員、餐廳及生活百貨店夥伴組成嘅網絡,為城市提供社區支援服務。活動咁有意義,請大家多多支持啊!記住,今個世界環境日喺戶戶送平台落單點餐,換取創意種子感謝卡,一齊實踐環保綠色生活啦。

撰文: 黛安 消息特靈八卦公關
欄名: 八卦名利場