由馬騮搣同黃奕晨主持的ViuTV節目《MM730 - 娛論潮》，日前播出的一集，邀請了前女子組合Cookies成員區文詩（Angela）、樂隊ToNick成員晨曦和樂隊野佬成員小胡，探討組合和樂隊容易鬧不和的原因。人多自然各有意見，一言不合，互相爭拗，心裡總會有條刺。
同場加映：聲生不息丨楊千嬅家庭為首放棄爭名逐利 笑對網友嘲老：年紀大係事實
Angela坦言組合是將不同的人放在一起，所以在相處上，較為易有衝突，「當時我哋有6個成員一齊住宿舍，先唔講做嘢，就講生活，都好難磨合。有次我哋喺海邊拍咗個MV，啲制服濕晒，就放咗喺垃圾袋入面，如是者，放咗三個星期，間屋開始有啲臭喎，有人好勇敢打開個袋，一打開就有蚊飛出嚟，有人就鬧『有冇搞錯，冇人理！』可能喺生活細節上會產生爭執，其實好小事，搵人攞去洗，或者鬧邊個擺對襪喺餐枱，但係就冇好大件事。」
前Cookies隊友Gloria出嫁半島辦婚宴 吳雨霏楊愛瑾反目首碰頭拒同框【下一頁】
對於Cookies由9變4，Angela指自己當時被Out是全不知情，她說：「我哋被公司退團，我哋係睇雜誌先知，應該咁講，我哋收到風，因為當時我哋轉公司，我哋知道應該會發生，但冇人正面同我講；直至有雜誌出咗，我哋先知道原來我係被退團嗰個，嗰陣時唔興叫退團，係叫單飛發展，變咗我哋係『餅碎』。雖然我哋好細個入行，但內心都訓練到好強大，所以都冇特別難受。」
楊愛瑾呻委屈疑指吳雨霏小產事件 Cookies九餅得番4個雲英未嫁【下一頁】
Angela又指Cookies有點似女校，當年樂壇有不少男組合，她大爆如男校生追女校生，「大家都好Close，收工之後，都會成日一齊，一齊去唱K，當中會發生一啲你暗戀佢，佢又暗戀你嘅嘢。」黃奕晨和小胡說：「好想知係咩組合呀？幾多人嘅組合？」Angela未有透露，只說：「總之我哋9個，咁啱呢隊有咁多個，有一隊係咁多個，再有一隊係咁多個，加埋就9個，我哋嗰陣時仲要成日一齊做騷，跳大騷嘅Opening，排要排一個月，咁啱可以一個Mark一個，有好多貼身舞，抱起你轉圈嗰啲。」小胡搶住說：「草蜢！」馬騮搣亦唔執輸：「仲有溫拿！」
出道20周年特輯｜傅穎罕談Cookies不和是非 憶當年改行性感路線爆喊【下一頁】
在2002年，九人女子組合Cookies成軍，成員包括鄧麗欣（Stephy）、傅穎（Theresa）、楊愛瑾（Miki）、吳雨霏（Kary）、馬思恆（Helena）、陳素瑩（Gloria）、區文詩（Angela）、何綺玲（Elaine）和蒲茜兒（Serena)，當時大家稱呼她們為「九餅」，更有「港版Morning娘」之稱，出道歌曲《心急人上》大受歡迎。翌年，九餅加盟金牌娛樂，無奈要改組，由9人Cut剩4人，變成「四餅」，只有Stephy、Theresa、Miki和Kary有得留低，當時被稱為「Mini Cookies」。直至2005年，「四餅」宣布半年內暫時作獨立發展，成員之間再沒有聯絡，並屢傳不和，Theresa曾在社交平台上載「傅穎出道20周年特輯」短片，直認組合內部有「分黨分派」的情況。
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】