邀彭秀慧執導新歌MV 鄭欣宜胡子彤互稱「男女朋友」

將於下月舉行三場紅館個唱的鄭欣宜（Joyce），日前推出新歌《我地》，雖然只是短短幾分鐘的MV，但製作班底絕對拍得上一部電影。除了邀得曾合作電影《29+1》的彭秀慧執導，MV亦找來胡子彤擔任男主角，兩人在拍攝現場更互稱對方為「男朋友」、「女朋友」，感情要好。

繼電影《29+1》後，鄭欣宜再度與彭秀慧合作，邀請對方執導新歌《我地》MV。彭秀慧表示︰「第一次聽呢首歌已經好感動，好想拍成史詩式愛情故事，縱使有好多經歷同障礙，只要相信就有希望。」過往甚少演愛情戲的Joyce表示︰「我唯一拍過有愛情戲份嘅，就係彭導嘅電影《29+1》，而上次拍MV有男主角都差不多十年前，今次邀請胡子彤演情侶，可謂精挑細選。」

黑羊亂入做「電燈膽」

與Joyce飾演情侶的胡子彤，直言十分榮幸能參與是次演出，「第一次同彭導、Joyce合作，我本身好少拍MV，拍戲又無愛情綫，加上我同Joyce兩個都咁少拍愛情故事嘅人，好期待我哋會擦出咩火花。」而拍攝期間，Joyce和胡子彤坐在草地上談情，但一群小黑羊走近食草，亂入成為「電燈膽」，認真搞笑。

另外，「兩口子」日前開IG直播，竟當眾「放閃」，互稱對方為「男朋友」和「女朋友」，原來他們在MV拍攝現場就以「男女朋友」稱呼對方。Joyce透露︰「今次MV拍咗兩日，第一日雖然子彤唔使埋位，但都嚟咗探班，走嘅時候佢同我講『女朋友，拜拜！』其實我哋只係第二次見面，好多謝佢咁投入角色，我梗係嗌番佢『男朋友』啦！講完都有啲面紅，哈哈。」

撰文︰Pauline

美術︰梁政敏