孖周國賢合唱《目黑》 張敬軒喻兩人友情如鮑魚

張敬軒（軒仔）前晚的紅館演唱會，請來周國賢（Endy）任第一位嘉賓，軒仔指兩人認識已久︰「我喺香港第一個屋企，得兩條友上嚟夾過歌，一個係藍奕邦，另一個就係以下呢位嘉賓。」Endy隨即登場，兩人合唱《目黑》掀起高潮。身為海味店太子爺的Endy，親手畫了一個大桶，內裏裝滿罐頭鮑魚送給軒仔，軒仔笑道︰「呢個植入廣告真係好抵呀，多謝你。我哋嘅友誼就好似鮑魚咁『襟擺』，歷久常新、真空包裝！」

軒仔又邀得RubberBand任第二位嘉賓，並合唱《未來見》；及後RubberBand獨唱《Ciao》時，全場大合唱，歡呼聲震耳欲聾。最後軒仔encore了五次，唱到凌晨12時半才散場。