丁子朗憶述曾遭工作人員粗口大罵 「好傷心...令我記到而家」

丁子朗在2016年參選《香港先生選舉》奪得亞軍、最上鏡先生及現場最受歡迎香港先生3個獎項，入行後，隨即被無綫安排擔任多個大騷的主持，可惜缺乏拍劇經驗，試過因為一個笑容，遭工作人員以粗口，向他破口大罵，丁子朗坦言記到現在。

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

{{hket:inline-image name="278066815_718517875853307_4115436359526324908_n.jpg"}}{{/hket:inline-image}}

日前，丁子朗接受陳敏之陳敏之的網上節目《chi chat》訪問，回想當年由加拿大返港參加《香港先生》，他笑指自己當年18歲才有這麼大的勇氣，「要著泳褲影個人照，我人生都未影過呢啲相㗎喎，呢間公司會唔會係騙案；到真係影嗰刻或者上台嗰刻，就冇再尷尬，因為身邊全部男仔都係咁，嗰吓就衝破咗呢個關口，我都覺得自己好大勇氣，如果而家24歲嘅我，我都未必做得到。」丁子朗坦言很感謝父母給他機會，去嘗試做自己想做的事，免得將來會後悔。

《Mean Talk》︳丁子朗爆主動約湯洛雯視像睇戲 未開始展開追求 女神已情定馬明【下一頁】
加入娛樂圈，父母最為擔心，丁子朗未有接受他們的經濟支助，反而先用自己做兼職賺來的錢，「當我入行兩、三年，佢哋嚟香港探我，我第一次畀家用佢哋，呢個係令我努力嘅原因，因為我唔想衰畀佢哋睇，我想話畀佢哋，佢哋個仔唔係話撈得掂，但過到活啦，我唔可以衰，我一定要凱旋回歸；不過，選完只係一個開始，之後先係漫漫長路。」

星光路上丨丁子朗感激阿姐開口向監製提攜 爆曾面試演《尚氣》：唔試點知【下一頁】

丁子朗得獎後，隨即有份擔任《萬千星輝賀台慶》司儀之一，並在一年一度的大騷《歡樂滿東華》演出，從中吸取經驗，可惜在拍劇時，遭工作人員以粗口大罵，丁子朗說：「一開始好順利，順理成章就拍劇，啲人就覺得你一定好醒目，又做過大騷主持喎，但試過有次拍劇，臨尾收廠，大約28、29（凌晨4點至5點），爭我一個笑容，當時我唔識做戲，我做唔到，笑唔得好，大家都好忟，因為大家都等緊我收工，現場有個工作人員話『你擘大個口，你擘大個口大家就收工喇！』鬧我......」陳敏之聽到表現驚訝，「吓！有冇粗口？」丁子朗說：「一、兩個字囉，好傷心，原來係咁㗎；但呢件事好好，令我記到而家，我返工嘅時候，第一我希望唔會阻到大家收工，第二原來自己做得唔好會影響到人，令其他人受罪。」陳敏之憶述初入行主持一個音樂節目，沒有主持經驗的她，當時要背熟4頁紙的內容，可惜NG了10多次都做不成，工作人員不論在聲音或者說話，都表現出極不耐煩，陳敏之說：「我NG到真係做唔到，我一離開廠就爆喊，因為我覺得自己好廢，係不知所謂嘅垃圾，但有前輩叫我努力喺主持呢方面，叫我唔好放棄！」

《青春不要臉》大結局丨舟仔溫楚瑜情侶檔演《蓋世豪俠》 劉德華拒簽長約被雪跑樓梯全屬實【下一頁】

{{hket:inline-image name="17.JPG"}}{{/hket:inline-image}}

{{hket:inline-image name="272087598_1045374212707358_3535988625174103206_n.jpg"}}{{/hket:inline-image}}

提到丁子朗主演的劇集《青春不要臉》，他直言是自己最喜歡的作品，「角色起伏好大，一個成長故事。我嘅角色原型係基於星爺（周星馳），Dickson係劉德華，但我哋嘅角色係混埋一齊，例如劉德華嘅故事會放喺舟仔度，所以觀眾混淆係正常，我大部分係星爺，但混入咗少少梁朝偉、黃日華、劉德華，豐富咗呢個角色。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】