《十八樓C座》丨「周老闆」金剛叔憶述中招入院 留醫怕悶照錄音：錄到好鬼辛苦

商台雷霆881的資深播音員、在廣播劇《十八樓C座》聲演周老闆的金剛叔，今年2月不幸染上新冠肺炎，當時他向傳媒透露，有在醫院留院隔離。原來金剛叔在住院期間，隔空返工，用電話為《十八樓C座》錄音，由於他已經88歲，加上有老花，所以錄音的時候的確比平時較吃力。

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

{{hket:inline-image name="50.jpg"}}{{/hket:inline-image}}

最近，金剛叔接受鄭丹瑞主持的網上節目《健康旦》訪問，憶述這兩年疫情以來為保護自己，防疫措施一直都「做到好足」，故不明白為何會染上新冠肺炎，「戴口罩、洗手，連頭都洗埋！返到屋企連衫都除埋，全部都洗晒，但都唔掂，都殺到埋身。我記得係過咗年，大約2月9日，嗰日都冇乜嘢，同平時一樣，但硬係覺得有少少唔係好妥，冇事喇……算啦。到第二日，有少少咳嗽，唔係好多，要去睇睇醫生，去睇耳鼻喉科，喉嚨有少少問題。」金剛叔口若懸河續說︰「當我中招時，完全係冇其他徵狀，冇喉嚨痛、冇發燒、冇咳，睇完醫生，佢開藥畀我食，食咗成日都係唔掂，硬係全身都唔舒服！第三日放工，即刻做核酸檢測，走去中心做，嘩！嗰個地方爆晒人咁滯，點排隊上去？咁多人聚集你想唔中招都唔得啦！於是我就冇去……之後我去做撩鼻同喉嚨，嘩！嗰條龍又長到七彩，點搞呀？仲要10幾日先有結果，唔掂喇！唔掂喇！返屋企諗諗先，夜晚有少少咳，朋友就叫我去浸會 （醫院）做核酸檢測，我就即刻去。」

88歲DJ金剛叔不幸染新冠肺炎 劉翁全家確診 森美周三一齊做節目【下一頁】

由於金剛叔試過兩次患上肺炎，醫生立即為他照肺，顯示其肺部有少許花，勸他要留醫作進一步檢查，金剛叔說：「第三日，仲未知自己有事（中招），但我唔想留醫，醫生話可以寫信轉介我去瑪麗醫院，因為瑪麗醫院有我嘅病歷，我話好啦！於是我喺浸會搭車去瑪麗醫院，姑娘幫我做快速檢測，弊傢伙！兩條線……兩條線之後，完全封隔，即刻要入院，連屋企人都見唔到，死喇……我乜嘢都冇準備，好彩嗰段時間凍，我就著咗件羽絨，如果唔係就冷鬼死我！不過咁暫時冇床位，我唔可以上去（病房），喺另一間房入面觀察吓先，陰公咯……間房乜嘢都冇，坐咗成晚；到第二日中午有人出院，先至有一個床位，呢個真係非常非常之慶幸，只係得一個床位，如果唔係就要去方艙醫院。」金剛叔指中招時，只有少許咳嗽和發燒﹐護士每天都為他量血壓、抽血、喉嚨採樣。

64歲廖偉雄康復後同老友聚餐 慘爆兩度中招Omicron靠土方自救【下一頁】

{{hket:inline-image name="51.jpg"}}{{/hket:inline-image}}

金剛叔直言戥自己可憐，要隔離14天，他說：「因為我年紀大，入到醫院係冇藥食，後來醫生嚟睇我，佢話試吓同我打針，4日打咗8針，1日打2針，1針喺肚皮打落去，另1針打入血管，打完冇乜事；最慘係食嘢唔掂，啲菜又烚，飯餸都冇味。」

張松枝快速檢測呈陰性 「我有種天下無敵嘅感覺！」【下一頁】

{{hket:inline-image name="52.jpg"}}{{/hket:inline-image}}

雖然金剛叔住院14天，但他仍然為《十八樓C座》錄音，他說：「好簡單，用電話Send劇本畀我，我就對住個電話嚟錄，好辛苦㗎阿旦！真係好先進……我要戴老花眼鏡，又要睇劇本，又要講，隔離床好多人，又唔敢咁大聲，嘩！錄到真係好鬼辛苦，但係都要做，好過戇居居。」金剛叔住了14日，出院回家，不過當時仍要接受21日居家隔離。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】