【聲明】港生活網站並無進行電話推廣活動

浴室半裸激戰譚凱琪 譚俊彥:太太探班無呷醋

發佈時間: 2022/06/02

譚俊彥(Shaun)在新劇《十八年後的終極告白2.0》中,跟劇中老婆譚凱琪(Zoie)上演浴室激吻親熱戲,意識大膽。Shaun笑言拍攝浴室戲時太太有到場,而單身的龔嘉欣眼見Shaun及Zoie均獲另一半探班,即大呼羨慕。

譚俊彥、陳山聰、龔嘉欣、趙希洛及譚凱琪等昨日到黃大仙宣傳新劇,Shaun剛從內地返港,他表示已離開香港拍劇五個多月,幸好內地劇組讓他請假回港宣傳。他說:「今次返嚟,啲仔女好黐我,但係我相信唔會維持好耐,總之依家好好enjoy就夠。」他指適逢女兒七歲生日,不但能親身為囡囡慶祝,他更會親自下廚,炮製靚蟹給囡囡品嘗。

提到Shaun與Zoie在劇中有場大膽沖涼親熱戲,Shaun笑說:「大家睇到浴室啲煙,其實係乾冰,現場好凍,一拍完工作人員即刻拎毛巾畀我哋包住。太太都有嚟探班,但佢唔係為咗沖涼戲而嚟。」龔嘉欣表示拍攝期間見到Shaun及Zoie的另一半前來探班,令她十分羨慕。至於Zoie的出軌人妻角色十分破格,她說:「我個角色幾乎晚晚鬧人,我都未見過自己呢一面,其實鬧人都幾爽。」問到拍攝時可有將角色情緒帶回家?她說:「有時都會,但盡量自己調節,我唔會無端端向屋企人發脾氣,最多只係陀住BB嘅時候,有少少情緒啫。」

趙希洛連咀三人

同場的陳山聰與趙希洛在劇中亦有激烈咀嘴戲,山聰大爆趙希洛分別跟三個對手激吻,取笑她相當幸福。問山聰拍親熱戲時,太太可有監場?他說:「太太好信任我,加上佢都識趙希洛,明白只係拍戲。」趙希洛則笑指山聰嫌她胖,所以她一邊拍劇,一邊減磅,「今次拍劇我借咗媽咪啲私伙衫做戲服,着上身先發覺原來媽咪條腰好幼,同時上圍好豐滿,所以我無得唔減磅。」

採訪:Pauline

攝影:林良明

美術:悠然

浴室半裸激戰譚凱琪 譚俊彥:太太探班無呷醋

譚凱琪與譚俊彥在首集即上演激情戲,意識大膽。(資料圖片)

浴室半裸激戰譚凱琪 譚俊彥:太太探班無呷醋

陳山聰與趙希洛彼此信任,所以拍咀戲也不覺尷尬。