林作孭律師信踩場睇首輪港姐面試 「睇好」鄉音綺夢：目前呢位最掂

林作上月底在社交網發文談論香港小姐質素，近日表示收到TVB一封署名「電視廣播有限公司 法律及規管事務部」的電郵律師信，內容提到「本公司得悉閣下於2022年5月29日在Instagram發布了以下針對本公司舉辦的《香港小姐競選》及本公司經理人合約藝員利愛安小姐的言論：『香港小姐根本唔難選，每年選嘅人好多，但九成係豬趴（扒），一喺電視城落車你就知，最出名嗰個叫東涌羅浩楷』。」電郵律師信要求林作在2022年6月7日下午5時前實行相關事宜。

同場加映：鄭融疫情下停工享受禪柔之樂 看淡得失：Go with the flow

{{hket:ul-video id="5850"}}{{/hket:ul-video}}

電郵律師信要求林作在2022年6月7日下午5時前實行︰1. 即時停止再發布有關言論並從所有平台（包括Instagram及其他社交媒體）移除上述言論；2. 向TVB及利愛安小姐書面道歉及澄清有關言論與事實不符，等等。林作就向TVB宣戰，話自己有7日時間準備，今日（2/6）仲去到香港小姐首輪面試地點外「踩場」，話會用審美眼光望吓今年係咩質素，但就唔會表態，同埋會Post佳麗真實面貌畀網民評論吓。

{{hket:inline-image name="1.jpeg"}}{{/hket:inline-image}}

今早10時許，林作偕同女友裕美兩手揈揈到場觀摩，期間走向傳媒直播位置，接受訪問，問到佢是否決定同TVB打官司，佢就話：「睇埋今日先。」問裕美會否叫男友講少兩句，她說：「都慣咗㗎喇！」問林作驚唔驚收到TVB律師信，佢反問：「你意思係我描述得準唔準確？我而家諗吓我番說話係咪準確？我會研究一下先。（網民食花生睇你哋打官司？）有好多網友表達支持添！我都係反映民意，希望唔好令佢哋失望。」2人逗留了20分鐘，約10點半左右離開，同時林作不時用電話拍片。

事後佢喺社交平台出Post出自己「心水」佳麗，留言：「今年本人心目中的香港小姐冠軍已經誕生！佢就係綺夢！呢位絕對唔係豬扒，係極品！不枉此行，一睹廬山真面目！」該名佳麗大方留IG畀記者，同大家講：「I'm from Mainland China.（我來自中國內地。）」

撰文︰娛樂組

《晴報》圖片