2022年港姐面試｜27歲林卓錡趕尾班車參選獲父親林俊賢支持 連詩雅師妹邢慧敏暫被睇高一線

《2022香港小姐競選》於今日（2日）舉行第一輪面試，一眾參賽者到達電視城後除下口罩現真身。82位參賽者當中，較受關注的是林卓錡（Denise）（前名林鈺洧）及連詩雅師妹邢慧敏（Sharon）。

{{hket:inline-image name="2.jpeg"}}{{/hket:inline-image}}

同場加映：林明禎聽日32歲生日狂收蛋糕 廣告接唔停 已計劃全家去旅行

{{hket:ul-video id="5871"}}{{/hket:ul-video}}

藝人林俊賢的27歲女兒林卓錡早在2015年出道，加入娛樂圈當模特兒，在2019年起參與電視劇及節目︰例如拍攝《詭探前傳》，又曾在《對號入座》及《鬼同妳上位》擔任嘉賓。

今日林卓錡以一襲低胸白色花裙現身，受訪時解釋為何「趕尾班車」報名參選港姐，原來一方面是受朋友慫恿，另一方面她說：「（參選港姐有年齡限制）我都最後一年，有問過爹哋意見，爹哋話想就去試一下。」

{{hket:inline-image name="denise.png"}}{{/hket:inline-image}}

{{hket:inline-image name="5.jpeg"}}{{/hket:inline-image}}

至於同樣27歲的連詩雅師妹邢慧敏（Sharon）也有報名參選港姐，從其IG可見，她與不少圈中人熟稔︰例如鄭融、梁諾妍等，之前亦做過余德丞、林俊其主持的節目《真·女神轉身》的嘉賓。而在上個月完成演藝班課程（同班同學有郭柏妍、吳卓衡等）的她，未知是否為當演員鋪路？

（↓點擊放大睇圖片↓）

無綫總經理曾志偉、無綫助理總經理（藝員管理及發展）樂易玲一同受訪，指今年的面試者水準較去年好，有幾個好突出，對於林俊賢女兒林卓錡參選，曾志偉笑說：「係呀！但我唔識佢，淨係識佢老竇，第一次見佢，佢都好好，細細個有諗法；佢一直猶豫不決，當發覺自己27歲最後一年（參選港姐年限），所以鼓起勇氣嚟參加，今年都有好多26、27歲（面試者）。」

提到今年不少面試者來自內地，曾志偉續說：「兩樣都有，好多佳麗喺香港一段好長時間，移民咗嚟，攞咗身份證。」樂易玲接著說：「祖籍唔喺香港，但喺香港大，廣東話講得好好。」同時表示稍後以Zoom形式，為海外佳麗進行面試。

{{hket:inline-image name="545.jpeg"}}{{/hket:inline-image}}

面試者邢慧敏（Sharon）是連詩雅師妹，與模特兒公司StarzPeople有合約，問到有沒有抵觸？曾志偉說：「其實我哋唔介意邊個同邊個有合約，始終選香港小姐都係公開，希望選到代表香港嘅人。香港小姐嘅意義係介紹香港畀人哋認識，唔會話人哋有合約在身，我哋就唔得（拒絕對方份參加），我哋冇呢個限制，選咗先，最重要係美麗、智慧，選到一個係自由身但唔靚都冇用，係咪？」

至於今屆港姐外景拍攝，曾志偉透露籌備去日本，「其實有兩樣嘢我哋都未決定︰例如幾多人去？有冇總決賽？都要睇我哋呢兩次見完班面試者嘅質素、人數再去決定。」此外，對於無綫向林作發律師信一事，曾志偉表示：「我都有問過，佢哋話唔講得，因為已經進入咗法律程序。」

{{hket:inline-image name="54112.jpeg"}}{{/hket:inline-image}}

圖片來源：東星、IG圖片、《晴報》圖片

【2022年港姐高清多圖】曾比特 X 肥美人睇到眼球疲勞 首輪面試大灣區佳麗曬譚仔話【下一頁】

採訪：黃曉妍

撰文：娛樂組