絲打圍爐丨李佳芯自爆為陳豪頓感迷失 「如果佢仲未結婚，真係會中」

李佳芯自2020年與陳炳銓結束7年情後，雖然兩人間中仍有聯絡，但似乎沒有復合的機會。回復單身的李佳芯，在感情方面，緃使渴望得到伴侶的愛和照顧，但往往因自己的個性而累事；另邊廂，她自爆試過戲假情真而喜歡「人夫」陳豪。

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

{{hket:inline-image name="800_f6595002d7c0e20035c1767921c99f91.jpg"}}{{/hket:inline-image}}

日前，李佳芯接受由楊詩敏（蝦頭）與連詩雅主持的網上節目《絲打圍爐》訪問，席間談及到戲假情真的話題，李佳芯表示演員如果投入角色，那段時間，真的會當真一樣去投入，加上大家在拍劇時朝夕相對，自己是真的喜歡對方，還是只喜歡對方的角色，她直言曾為此而感到迷失。蝦頭問道：「有冇好接近呢啲情況？」李佳芯想也沒想，立即回她說：「有呀，阿Mos（陳豪），我哋合作過好多套劇，之前喺《潮流教主》，其實我好慢熱，我好少同其他藝人好快熟絡，加上嗰時大家敵對（指劇情），所以我哋好唔熟；之後拍《誇世代》就開始真係熟，因為我嘅戲份開始多番少少，同埋我同佢飾演一對，開始......因為阿Mos真係好Nice，無論戲內戲外都好照顧人，係一個好好嘅爸爸、好好老公。我諗去到《誇世代》同《殺手》之間，有一刻我會覺得呢個男人，如果我早幾年入行，如果佢仲未結婚，真係會中，因為佢真係一個太好嘅男人，佢真係每一晚都同Aimee（陳豪太太陳茵媺）視像，好Sweet，呢個男人好到...做老公一流，呢啲男人喺邊度搵，你會有呢種感覺。」

首談分手原因｜李佳芯曾提出結婚陳炳銓未Ready 聽盡閒言事業差距大怕待薄女友【下一頁】

除了李佳芯被Click中外，連蝦頭亦對陳豪心心眼，她透露在拍攝《愛美麗狂想曲》時，因劇情關係而拍了很多劇照，蝦頭指自己當時拿去陳豪的劇照問對方：「我可唔可以攞你簽名？」李佳芯聽後笑說：「真係有好多（人）都中㗎！」就連跟陳豪未試過合作的連詩雅，指自己在無綫遇見對方，也要求跟他合照。

{{hket:inline-image name="51.jpg"}}{{/hket:inline-image}}

【殺手】 陳豪用妙計迫李佳芯發揮到最好 想同男演員演HEHE情：樂而不淫【下一頁】
向來個性獨立的李佳芯，就算自己生病、燈膽、水管壞了，都不會告知別人，「可以自己搞掂就自己搞掂，但係打從心底，一定希望想得到愛，假設當時係拍緊拖，男朋友照顧你就好好，但唔係個個...我發覺我冇畀到對方一種，我好需要被照顧嘅感覺，所以成日都覺得我可以照顧到自己，而我又係嗰啲，唔好煩喇，自己做到就自己做啦，所以係好蝕底。」蝦頭問她是否要改變一下自己？李佳芯續說：「要呀，我要學識...點講呢？有時你依賴男人，或者要佢幫你做一啲事，某程度上男人覺得你需要佢，我就係呢個感覺唔夠強...演變到後期，就係我一直都冇發放呢個訊息，令到對方覺得我需要佢。」蝦頭勸她要學懂坦白說出自己的感受。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】