2002出道歌手丨蕭正楠贏新人獎寸爆「邪不能勝正」 關心妍演唱會上提麥浚龍「破冰」

《關心妍Jade Kwan 「約」 20周年演唱會》圓滿完成，第二場圈中名人到場支持︰包括何超雲、鄧萃雯、許廷鏗、林欣彤等等。Jade囡囡楊榮心照樣上台打筋斗娛賓；臨落台前，Jade和女兒向老公送上驚喜：「我想借大家嘅歌聲一齊向佢唱Happy Birthday，佢為咗我呢個Show勞心勞力，我想全場為佢大合唱！」而囡囡落台前更話「I Love you爸爸」，搞到老公楊長智面都紅晒！

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

關心妍邀請到鄭秀文擔任嘉賓，二人合唱《上帝早已預備》，Sammi指被Jade誠意打動，所以答應做嘉賓：「恭喜你！20周年演唱會真係好唔容易㗎，我作為歌手，都覺得越有經歷嘅歌手，越少空間進步，越難有新鮮感畀到觀眾，真係唔容易。今次你仲寫咗張卡畀我，講做呢個Show嘅心路歷程，好感動，我明白20年好艱難……我30年（入行）其實都好艱難㗎，所以唔好放棄，OK？」Jade就話自己聽住對方歌曲成長，Sammi笑言「我同你差唔多大咋」。

{{hket:inline-image name="FR5D7791.JPG"}}{{/hket:inline-image}}

當Jade演唱會最後一首歌曲《你有心》後，歌迷大叫Encore留低，佢再折返舞台：「你哋仲未走……我哋真係冇準備㗎，再唱多次得唔得？不如唱多次《放生》，咁我行近啲唱啦！」歌迷當然收貨啦。

完騷後Jade接受傳媒訪問，表示感激老公背後支持，所以特意送上驚喜：「因為我都忙緊個Show，都叫我唔好幫佢搞生日……咁唔可以唔表示嘅，所以今朝佢出咗門口，我就同個囡夾計唱生日歌，好在囡囡都守到秘密，又記到啲稿！」

蕭正楠（Edwin）連續兩晚做演唱會嘉賓，Jade十分感激對方一口答應支持。二人合唱《特別鳴謝》，男方話前一晚做完表演嘉賓後收到好多訊息，人人都表示「回憶返晒嚟」，女方則主動提起當年Edwin、麥浚龍（Juno）嘅不和傳聞︰「2002出道嘅歌手所剩無幾，得番我、Edwin同Juno，唔知佢會唔會開廿周年演唱會？如果開又會唔會請我做嘉賓呢？」兩人在台上用電話自拍合照，跟住Edwin單獨唱出《接受我》，繞樑三日，指自己一直冇放棄唱歌，唱完後又「放閃」表示：「我都希望翠如今晚可以睇到我嘅表演。」

Jade稱近年與Juno甚少聯絡，佢希望可以相約同年出道嘅余文樂、Cookies等歌手「嚟一場聚會」；問到若要成事，就要幫忙為Edwin和Juno「破冰」，Jade笑說：「我破唔到冰㗎喎！真係唔知……其實要約晒咁多個都唔容易，私底下有啲20年前（出道）嘅歌手都有聯絡。我同Edwin都好耐冇聯絡，上次見已經係啱啱生完BB拍《美女廚房》。希望遲啲大家真係可以聚一聚！」

蕭正楠參加大型歌唱比賽、獲唱片公司高層賞識而入行，2002年出道嘅同期男歌手仲有麥浚龍、余文樂，而女歌手就有關心妍、李蘢怡等。蕭正楠剛出道時工作多到接唔停手，比較出名嘅歌包括《接受我》以及同關心妍合唱嘅《特別鳴謝》等。

蕭正楠於《新城勁爆頒獎禮》、《十大中文金曲》等主要頒獎典禮同麥浚龍爭崩頭，各自掃咗唔少新人獎。蕭正楠贏得《2002年度十大勁歌金曲》「最受歡迎男新人」金獎，而麥浚龍就攞咗銀獎。慶功宴上，蕭正楠講咗句「邪不能勝正」，外界認為係暗寸當時盛傳靠關係攞獎嘅麥浚龍，有傳蕭正楠因此遭到「封殺」，敗走香港，轉到內地發展。

撰文：黃蘊姿