音樂旅情丨王美蘭參加新秀被封「華星趙雅芝」 梅艷芳上門遊說入行遭拒絕？

王美蘭於1982年參加無綫、華星合辦的《第一屆新秀歌唱大賽》，憑其獨特氣質被外界封「華星趙雅芝」，是當年15強之一，但最終三甲不入。王美蘭這日作客YouTube《音樂旅情》，接受楊紹鴻的訪問，親述當年為何放棄入行機會，就算該屆冠軍、好友梅姐（梅艷芳）孖蔣慶龍上門遊說，她亦不為所動，最後選擇結婚嫁人。

{{hket:inline-image name="06061003.jpg"}}{{/hket:inline-image}}

{{hket:inline-image name="06061002.jpg"}}{{/hket:inline-image}}

{{hket:inline-image name="06061001.jpg"}}{{/hket:inline-image}}

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

王美蘭表示小時候會幫爸爸將喜歡的歌曲錄下來，差不多日日聽歌，繼而對音樂、唱歌產生濃厚興趣，在一位世叔伯的「慫恿」下才有參加歌唱比賽的念頭，她說︰「細個接觸唔少世叔伯都係喺娛樂圈發展嘅，亦有《銀燈日報》、《新星日報》嘅編輯，成日叫我去比賽，咁啱無綫搞《新秀歌唱比賽》（1982年）……直到最後一日（截止報名日期），妹妹叫我去試吓，跟住就問世叔伯可唔可以做我提名人，佢話冇問題幫我寫隻字，可能有世叔伯個名啦，我冇畀人『叮』出嚟。（面試評判同參賽者有邊個？）有黎小田同其他華星唱片嘅同事，第一屆舉行，有梅艷芳、韋綺珊、姜蓓莉、胡渭康、林利同蔣慶龍。」

音樂旅情︳黃翊憶與黃寶欣拍拖被棒打鴛鴦 唱片公司：你估真係鍾意你唱歌？【下一頁】

當年王美蘭以《嘆十聲》參賽並成為15強之一，由於外形酷似趙雅芝而有為「華星趙雅芝」之稱，但原來她不想用《嘆十聲》作賽，「因為太匆忙，去到先至揀歌，我又冇心理準備，諗住如果有機會入圍，到時可以再改歌，點知唔可以改。我係15強之一，有機會去利舞臺比賽，但冇攞到名次。（成班新秀好好感情？）係！大家好close，玩埋一齊，差不多一個禮拜見幾次，因為排舞時都係嗰幾個人，阿梅排完就到我，大家會等埋去食下午茶，平時又會約出街，嗰時好好玩。（對賽果有冇失望？）冇，可能因為自己冇心去比賽，諗住去試吓啫，睇吓自己得唔得；其實內心都知自己唔得，返到後台仲好開心，心諗終於唱完。心目中冠軍係阿梅啦，第二個就係韋綺珊，我心水嘅中晒。」

音樂旅情︳李龍基憶昔日唱酒廊月賺24萬 揸保時捷一晚走8場收300張告票【下一頁】

三甲不入的王美蘭，無綫邀請她入讀藝訓班，可是她只享受唱歌，並非真的想入行發展，「比賽完咗……以為真係完結，點知華星畀電話我，話佢哋喺入圍當中揀三個，有幸揀中咗我，無綫想簽我入讀藝訓班，我就呃佢哋話『我有男朋友』，自己唔想簽，唔知佢哋點解揀我。（同當年話你似趙雅芝有冇關？）都係多得傳媒幫手咁寫啫！（最老友嘅新秀係？）林利、胡渭康……佢哋當我係兄弟，阿梅選贏咗出嚟真係好忙，我又唔想去打攪佢，我哋有見面，但就比較少。（見到阿梅走紅，有冇後悔冇入行？）冇，見到佢一路一路紅係好開心，都有諗過當時入咗藝訓班會點呢？同時話畀自己聽，都係會揀唔簽約呢條路。」當年她以男朋友作擋箭牌拒約，想不到後來真的結婚了，很年輕就成為人妻。

（↓點擊放大睇圖片↓）

至於梅姐當年有沒有方遊說她進入娛樂圈發展？王美蘭表示：「有！佢同蔣慶龍經常上我屋企，同我爸講『細伯……簽啦』，爸爸就話『唔關佢事』，叫佢哋問番我……（爸爸贊成入行？）爸爸冇話唔好，不過就話我哋都唔係呢個圈子嘅人，嗰陣時嘅藝人，好興媽咪跟住出入；咁我媽咪好多嘢做，根本冇時間跟住我，同埋細佬、細妹喺外國讀書，香港得我一個女……於是就算啦！唔簽約，唔入行冇乜所謂，反正參賽表格都係妹妹幫我攞，我純粹係玩吓。（唔覺得損失？）冇損失，尤其而家網絡發展得咁好，又可以繼續唱歌。（歌唱方面有咩計劃？）冇！隨遇而安啦，冇咩強求，呢方面比較隨緣。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】