余德丞初入行提出意見得罪人多 受力捧期離巢：方丈唔係咁小器

余德丞（Dickson）5月宣布離開無綫（TVB）回復自由身，近日佢受邀上YouTube頻道「FHProductionHK」接受訪問。除咗講到自己初入行時嘅經歷，仲大談自己離開「comfort zone」嘅掙扎。

同場加映： 人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

余德丞憶述剛入TVB不時對節目提出意見而得罪人：「一入去我就做兒童節目啦，半年一年嗰啲……我都已經好似大佬咁喺度行㗎啦！『呢樣嘢會唔會咁樣好睇啲呢、咁樣舒服啲呢？會唔會啲人其實鍾意睇呢啲呢？』監製都覺得你咁多意見，好似已經想做埋導演咁。為咗件事靚而去做嘢，但好多人都覺得，關你鬼事咩？你唔使做呢啲嘢啦！」

{{hket:inline-image name="6543.JPG"}}{{/hket:inline-image}}

不過余德丞加入TVB8年就已經可以做到男主角，主演電視劇《青春不要臉》，好多人等一世都等唔到呢個機會。余德丞憶述當初完約後，有一、兩個月都感不安而難以入眠，但到咗33歲，佢都希望會有新嘗試，他說：「真係要再續一張約，可能就係N年啦！你呢個時候去到呢個歲數，你再唔行出呢一步，可能就冇機會。你喺懸崖，嗰條友殺到埋嚟，你都要跳㗎啦！你跳可能九死一生，但至少有一生。」

主持問到佢正係備受力捧，呢個時候離巢會唔會覺得有「唔妥」，余德丞就覺得世上冇嘢可以阻到佢離開嘅決心：「我簽嗰張長約係6、7年前㗎啦喎，佢畀得錢我，我都係有做嘢㗎嘛，我每年都好勤力工作㗎！某程度上都係合約條款嚟，冇辦法啦，真係合約到期。方丈唔係咁小器嘅我覺得。」

余德丞指離開TVB後無論講波抑或拍節目均可暢所欲言：「（以前）你拍飲食節目，人哋借嗰場畀你拍喎，咁你敢唔敢呀？以往嘅情況之下，你都唔係好敢去講，究竟佢係好食定唔食。」不過余德丞近日為YouTube頻道「9BoThew 膠保廢」擔任嘉賓試菜就惹上麻煩，佢批評餐廳食物惹來疑似餐廳老闆留言，揚言要告三位主持。

余德丞仍然感恩TVB培育，認為做人要飲水思源，坦言全賴TVB畀機會佢嘗試，佢自可以喺叱咤電台節目《口說多過浪花》分享經歷：「喺舊公司咁多年裡面，我學到嘅嘢全部都係佢以前教落㗎！冇我剛才講嘅兒童節目監製，冇佢畀咁多機會我，我能唔能夠做到而家嘅自己呢？」