香港歐萊雅夥屈臣氏「美麗回收」 冀收集25萬個容器

黛安聽聞，為慶祝「世界環境日」，香港歐萊雅將聯同屈臣氏和環保社企V Cycle發起「延續美麗回收計劃」。即日起，顧客可以喺本港全綫約170間屈臣氏門市，回收任何品牌及已清洗嘅美粧產品容器，如粉底瓶、睫毛液管筒、唇膏或護膚品容器，回收後更可賺取「易賞錢」電子印花。顧客亦可喺香港歐萊雅旗下逾百間專門店和專櫃參與回收計劃。V Cycle則負責將容器進行分解和分類，再夥拍合作單位將回收物料製成再生原材料。

計劃喺今年4至5月已試行，期間收集逾6,300個美粧產品容器，公關姊妹話，計劃針對美妝產品包裝嘅下游循環問題，令包裝物料透過回收和循環再造，轉化為有用資源。今次擴展計劃期望可以喺12個月內收集到25萬個容器，疊起即相等於兩個珠穆朗瑪峰嘅高度。詳情可【按此】瀏覽。