【聲明】港生活網站並無進行電話推廣活動

回帶曾因意見多得罪無綫監製 余德丞離巢尋自由︰靠自己換掌聲

發佈時間: 2022/06/07

余德丞(Dickson)上月宣布離巢效力八年的無綫,早前他為「FHProduction」(熊仔頭)的網上節目任嘉賓,期間自爆入行初期曾因意見多多而激怒監製,但他強調會飲水思源。近日Dickson密密拍YouTube片,向YouTuber之路進發,他感慨稱︰「我喺自己YouTube頻道,節目自己一手一腳做出嚟,做得唔好係自己問題,靠自己換到掌聲番嚟都係自己嘅成功。」

在熊仔頭的訪問中,Dickson分享了離開無綫的心路歷程,又回憶剛入無綫時的新人時期,因經常提供意見而不經意得罪監製︰「開始入兒童節目、大約做咗半年至一年咁,已經好似大佬咁喺度行,諗緊『會唔會咁樣好睇啲』、『會唔會咁樣舒服啲』,監製覺得你咁多意見,係咪想做埋導演?」他坦言當時只希望做好件事︰「但好多人覺得關你鬼事咩?你唔使理呢啲嘢啦。」不過,Dickson強調會飲水思源︰「我喺舊公司入面學咗好多,無剛才講嘅兒童節目監製畀咁多機會,我會唔會做到今日嘅余德丞呢?」

拍YouTube片成敗靠自己

自由身的Dickson,直言在無綫當主持甚少加入個人想法,但現時的說話尺度則大有不同,「以前講嘢好持平,依家可以有啲立場,至少講波可以公開撑邊一隊。」問及以前是否未獲認同?Dickson未有直接回應,僅坦承現時拍YouTube片較有成功感︰「我喺自己YouTube頻道拍片,睇到評論話我講嘢好抵死、幾衰格咁,節目自己一手一腳做出嚟,望住個BB出世…做得唔好係自己問題,如果靠自己換到掌聲番嚟都係自己嘅成功,掌握到自己嘅命運。」

離開娘家如跳崖般尋找「一生」

談到近年在無綫備受重用,但Dickson竟選擇離巢,他透露︰「我簽長約時已經六、七年前,出咗糧梗係要做,每年都好勤力工作,不過timing好緊要,我嚟緊九月都33歲,八年嚟乜嘢崗位都了解過,不如真係試下(離開)。如果真係再續約可能就係簽N年,去到呢個歲數再唔行出呢一步,可能永遠無機會。(怕轉變,但可以勇敢離開?)你喺懸崖邊,後面已經有人殺緊埋嚟,你都要跳,跳落去可能九死一生,但至少有一生。」

撰文︰Steven

美術︰梁政敏

回帶曾因意見多得罪無綫監製 余德丞離巢尋自由︰靠自己換掌聲

Dickson開心現時能與不同人合作,而非只有公司同事。(影片截圖)

回帶曾因意見多得罪無綫監製 余德丞離巢尋自由︰靠自己換掌聲

Dickson帶熊仔頭返母校香港華仁書院,自揭曾在07至08年獲校內最佳運動員殊榮。(影片截圖)

回帶曾因意見多得罪無綫監製 余德丞離巢尋自由︰靠自己換掌聲

Dickson(左一)上月初現身now的講波節目,他直言無懼娘家小器封殺。(影片截圖)

回帶曾因意見多得罪無綫監製 余德丞離巢尋自由︰靠自己換掌聲

日前Dickson到平民茶餐廳試食蛋撻,片段推出三日已勁吸逾十萬點擊。(影片截圖)

回帶曾因意見多得罪無綫監製 余德丞離巢尋自由︰靠自己換掌聲

Dickson在今年初推出的《青春不要臉》任男主角(右二),表現亮眼。(資料圖片)