愛回家丨熊若水稱拍關係大兜亂有難度 群姐錫龔燁零尷尬：小鮮肉點會喎？

《愛回家之開心速遞》一連兩集「喜歡你是你」劇情非常有趣，熊若水（呂慧儀飾）和龔燁（張景淳飾）新婚後終於「團圓」，展開「造人計劃」，沒想到因一次誤闖人家農地而得罪農場主人，似受到詛咒下竟見不到自己心愛的人︰水水每次望到龔燁時都變成她最討厭的昌叔（陳勉良飾），而龔燁望住水水，對方就變成群姐（許思敏飾）！

同場加映：城城鎮宇相隔22年再合作 演跆拳道律師但要鎮宇拯救

{{hket:ul-video id="5903"}}{{/hket:ul-video}}

愛回家丨龔燁回歸即同大小姐對戰開火 張景淳預告發展：我都掛住大家【下一頁】

{{hket:inline-image name="crab5.jpg"}}{{/hket:inline-image}}

{{hket:inline-image name="crab3.jpg"}}{{/hket:inline-image}}

{{hket:inline-image name="crab4.jpg"}}{{/hket:inline-image}}

龔燁、若水因此受到困擾，非常痛苦，關係疏離，連多望對方一眼都不太想，甚至連最容易懷孕的日子，亦只好被迫放棄「造人」，實在接受不到跟昌叔、群姐有肌膚之親。昨晚一集，龔燁跟若水錯認群姐、昌叔是自己的另一半，龔燁幾乎錫落群姐的櫻桃小嘴上，幸好若水及時喝停，龔燁才得悉自己認錯人，認真搞笑！

最終，若水在爸爸根叔（劉丹飾）的安慰下，接受眼前昌叔容貌是老去的龔燁，既然結婚時答應白頭到老，無論如何都要愛下去，而龔燁為了令太太安心，堅拒少女埋身；當兩人排除心理障礙而親吻，詛咒立即解除！重見對方真實的樣貌。

{{hket:inline-image name="crab7.jpg"}}{{/hket:inline-image}}

{{hket:inline-image name="crab23.jpg"}}{{/hket:inline-image}}

{{hket:inline-image name="crab8.jpg"}}{{/hket:inline-image}}

這兩集的拍攝方式相信很花時間，也有難度，例如同一角度兩公婆的對話，要先拍龔燁和若水的版本，再拍昌叔和群姐的版本。昌叔、群姐以往穿制服居多，今次換裝次數有機會是拍《愛回家》以來最多的一次。

呂慧儀接受《晴報》電話訪問，表示：「呢兩集拍攝係有啲難度，好開心teamwork出嚟效果好好，最記得外景嗰陣落超大雨，時間亦很有限，所有工作人員一條心咁完成拍攝。兩集入面有好多場景都要我哋四個演員夾好晒動作、反應，最佩服有豐富經驗嘅導演，做完後期製作，劇集出街時，我睇番嗰啲剪接位都好清楚交代到劇情。辛苦群姐、昌叔，兩位敬業樂業，係好好嘅前輩，每一場戲都喺旁邊留意住我哋，務求到佢哋演時，可以做到同我哋一樣嘅嘢。我同昌叔單係拍攝劇照已經有好多親密嘅情侶動作，一啲都唔尷尬，拍到大家笑晒！我好喜歡呢兩集故事，睇落好似簡簡單單兩口子日常，希望能令觀眾細味夫妻間深一層次嘅意義。」

愛回家丨龔燁快將回歸與熊若水瘋狂放閃 張景淳被問最愛小動物竟冧答...【下一頁】

張景淳和「群姐」許思敏有一個鏡頭幾乎錫到嘴仔，張景淳說：「群姐拍嘅時候好專業，佢唔會怕萬一錫到而介意，所以我都無尷尬，同埋埋位之前都有試啱晒位先演。今次拍攝比較花時間，好多場戲要拍三次，第一次我同呂慧儀演，第二次呂慧儀同昌叔演，第三次我同群姐演，拍多啲鏡頭方便畀導演剪接。我哋四個做嘅動作都要盡量跟足，服裝同事亦特意搵唔同size而一樣款嘅衫，花咗好多時間喺前期籌備、拍攝過程上同後期製作。真係要多謝思敏姐、勉良叔同導演呀！好有耐性，仲有編劇寫出咁得意嘅劇情。」

{{hket:inline-image name="crab16.jpg"}}{{/hket:inline-image}}

另外，問到思敏姐同張景淳拍攝親密鏡頭，是否會感到尷尬？她可愛回應說：「點會有尷尬呀？小鮮肉喎！佢咁靚仔，我都不知幾開心！我同景淳合作愉快！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉