McCafé × OOHA^®× Anson Lo 歎「菠蘿冰雪乳酪」 必換限量教主應援生日卡

炎炎夏日歎杯冰涼飲品真係透心涼，黛安收到風，由今日起，McCafé會聯乘汽水品牌OOHA^®，夥拍人氣男團MIRROR成員Anson Lo，推出期間限定特飲「菠蘿冰雪乳酪」，口感豐富，仲令人暑氣全消。

另外，今日起教主Anson Lo會再次進駐「教主碼頭」，屆時尖沙咀海港城入口露天廣場嘅戶外廣告板，將化身「教主走廊」，印上教主唔同嘅肖像，等一眾粉絲可以盡情同佢合照打卡。粉絲亦可以留意廣告板上隱藏嘅甜蜜信息，睇下邊個可以成功解鎖教主想送畀大家嘅驚喜。透過掃描廣告板上嘅QR code，粉絲仲可以下載手機桌布㖭。

推廣期內，顧客可點擊麥當勞App首頁內嘅「McCafé優惠券」欄目，用唔同優惠券歎美食，包括以$16起品嘗McCafé指定細杯裝熱咖啡或熱豆奶抹茶等，及重點推介「$40歎Special For You Combo」，以優惠價品嘗菠蘿冰雪乳酪和指定Mini蛋糕，更可獲教主限量應援生日卡乙張。